| الكتيب - هنعمل فيه ايه ؟ | |
|
+9SaLmA Aya Sabry samah saad إيمان Menat-allah MaNaL أحمد أبوعياد Omar Atef Manar 13 مشترك |
|
كاتب الموضوع | رسالة |
---|
Manar
عدد الرسائل : 659 تاريخ التسجيل : 21/11/2007
| |
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ السبت 14 أغسطس 2010, 2:11 am | |
| اول حاجة
ياريت لو حد عنده النسخ على الكمبيوتر ينزلها هنا
تانى حاجة
بالنسبة للمضووع نفسه
انا شايف ان المضووع يستحق تفكير اكبر من كده
احنا ليه منعملش كتيب فعلا عن البحث العلمى وليكم احنا بنفسنا هنعمل بحث عن البحث العلمى....حد فاهمنى؟؟؟
مش الكتيب ده يعتبر بحث؟؟؟ طب منعمله
نشوف المصادر الل د منار ومحمد خدومنها ونجيب كلام من هنا ومن هنا وناخد شوية من هنا
ونبدا نظبط كتاب ولكن فى صورة كتيب بسيط مبسط
مش مجرد كتيب فيه حاجات بسيطة لا كتاب فيه البحث العلمى وللكن فى صورة كتيب
دى فكرة عندى مبدئيا
ايه رايكم؟؟
وعلى فكرة فكرة ان طلبة تعمل كتاب عن البحث العلمى دى يتهيالى هيكون ليها مردود كبير جدا فى الكلية سواء عند الطلبة نفسهم او عند وحدة الجودة او عند اللى بيقيمو الجودة او عندنا احنا
ياريت نفكر فى المضووع؟؟
| |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الأربعاء 18 أغسطس 2010, 10:04 pm | |
| | |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الكتيب - هنعمل فيه ايه ؟ الخميس 19 أغسطس 2010, 4:16 pm | |
| هي فكرة كويسة ياعمر
بس انت تقصد نعمل Review
عن اهميه البحث العلمي ، وتاريخه ونشأته ، والطرق اللي ممكن تستخدمها عشان تعمل بحث وكده ؟؟
ولا قصدك ايه ؟؟
بس بيتهيأ لي ده هيبقي موضوع كبير قوي أكبر من اننا نغطيه في بحث صغنن في 10 - 20 ورقه | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| موضوع: رد: الكتيب - هنعمل فيه ايه ؟ الخميس 19 أغسطس 2010, 10:33 pm | |
| السلام عليكم
الفكرة حلوة طبعا ... بس البحث العلمى عالم صعب تضمه فعلا فى صفحات صغيرة اللهم اذا كان حضرتك تقصد تكتب بس basic framework of review بس طبعا من غير تعمق ومجرد هيدلين...
لو افضل لو حضرتك توضح "فكرتك برده اكترعشان نستوعب " ... لان برده اتفق مع كلام دكتور احمد ...
| |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الجمعة 20 أغسطس 2010, 3:50 am | |
| بصو
زى ما اتقال فى الاجتماع
احنا عاييزن الدورة فى كتيب صح؟؟
انا نفس لافكرة بالظبط بس اقصد اننا عايزين ان اللى يذاكر الكتيب يبقى كانه خد الدورة ميبقاش ناقصه غير حاجات بسيطة اللى هى بتتجاب بالشرح الىل هوه مسوليتنا
فاهمين يعنى ايه طلبة تعمل كتاب عن البحث العلمى؟؟
مش اقصد اهميته وكده
لا انا اقصد كتاب عن الدورة بنفس مفهومكو بس يبقى شامل كل الكلام
يعنى مثلا الانترودكشن مشروح ازاى بيتكتب وامثلة ليه عن كل نوع من انواعه وهكذا
بحيث ان كلامنا مع الكتيب يبقى كده الشخص وصل لاكبر استفادة
حد هيقول طب ما كده هيبصو للكتاب مش هييجو الدورة
اولا هم لازم ييجو عشان يخدوه وعشان يفهموه نفترض حد خده من حد وقراه وذاكره وبقى يكتب بحث سليم طب ايه لامشكلة ما احنا كده وصلنا للتارجت بتاعنا وهوه ان الناس كلها تعرف يعنى ايه اساسيات البحث العلمى وده المهم مش المهم انهم ييجو اد المهم انهم يعرفو
ده راى يعنى؟؟
ايه رايكو؟؟
| |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| موضوع: رد: الكتيب - هنعمل فيه ايه ؟ الجمعة 20 أغسطس 2010, 11:29 pm | |
| طيب يا دكتور عمر .كلامك وصل
بس اعتقد ان ده هو اللى احنا اتفقنا عليه..
ولا الناس ايه اللى وصلها فى الاجتماع ؟؟؟؟؟؟
اللى انا فهتمه
ان الكتيب هيتكلم عن كل مرحلة من مراحل البحث بالترتيب
وكل مرحلة عليها الامثلة الموضحة ليها...ونصايح كيفية كتابتها..واى اضافات تانية ( زى اماكن للاسئلة والتقويم ..)
لو هنطبق نظام التقويم الفورى اثناء شرح الدورة للمتدربين...علشان ياخدوا شهاداتهم عن حق..
ونسيب موضوع المسابقة اختياريا بعد كده..واللى يعمله يبقى له امتيازات تانية
-انا مع الفكرة ده -
وبالتالى يبقى المطلوب مننا ان شاء الله فى الكتيب ده
المرحلة الاولى: basic search
ودى هنقول فيها ازاى نبحث بشكل عام عن موضوع البحث المراد عمله
سواء كتب او نت او اى حاجة اخرى .. يعنى القراءة العامة
المرحلة التانية : information collection
ودى فيها بقى هناخد ال notes ونراعى اننا ناخد ال complete reference ونقول( انظر المرحلة الاخيرة)
المرحلة الثالثة: brain storming
هنقول يعنى ايه المصظلح ده وبيتعمل ليه وازاى ( علشان منبقاشش بننقل المعلومة ونحافظ على حقوق الملكية .. ونطلع افكار جديدة )
ونرتب العناوين بالترتيب المنظقى ..والموصل للمعلومة... ونحذف المتكرر والمتشابه
المرحلة الرابعة :final touch
وفيها هنكتب ازاى ال introduction & conclousion
هنظبط الfont ... abberviation list و الfigure &tabels ونراجع ال inwork citation يعنى هنا يبقى شرح الreference بالتفصيل والامثلة - ونبذة عن الانظمة الاخرى لو حبينا نضيف-
ده تصورى للموضوع ... ياريت تكتبوا تعليقاتكوا ..او تصوراتكوا انتوا كمان | |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الأحد 22 أغسطس 2010, 3:21 pm | |
| هوه ده نفس تصورى يا دكتورة
يعنى عرافين اللى د منار شرحتهولنا السنة اللى فاتت واحنا بنستعد للتدريب؟؟ هوه ده اللى احنا عاييزن نجمعه فى كتاب
انا بصراحة مكنتش فاهم ان قصدكو كده فى الاول انا كنت فاهم انكو مجرد خطوات وخرائط زهنية وخلاص مكنتش فاهم اننا هنشرح وندى امثلة لالكلام ده
بس هوه ده الىل انا متفق عليه ان شاء الله
ياريت الباقى يقول رايه عشان المفروض نبدا فى الخطوات ...
| |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| موضوع: رد: الكتيب - هنعمل فيه ايه ؟ الإثنين 23 أغسطس 2010, 12:05 am | |
| طيب يا د.عمر...ياريت حضرتك تقول لو فى اى اضافة او تعديل على الترتيب اللى اتكتب ده
وربنا يسهل ونقدر نوصل لشكل نهائى قريب ومنتأخرش | |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الإثنين 23 أغسطس 2010, 4:37 am | |
| فى كمان الجزء بتاع ابو عياد الى هى كيفية البحث ..؟؟ بس مش عارف هيبقى نظامها ايه فى الكتيب..!! بس لو هتكون موجودة تبقى اكيد قبل ال basic searsh وفى اختلاف طبعا بين ال basic searsh و كيفية استحضار المعلومات
وحكاية تواجد مقدمة عن البحث العلمى عموما فى بداية الكتاب؟؟؟ ....
| |
|
| |
إيمان
عدد الرسائل : 15 تاريخ التسجيل : 21/12/2009
| موضوع: رد: الكتيب - هنعمل فيه ايه ؟ الإثنين 23 أغسطس 2010, 6:10 pm | |
| السلام عليكم بيتهيألي الترتيب بتاع منه كويس اوي وكمان الجزء بتاع د.ابو عياد مهم اوي انه يتكتب ف الاول
بس حكاية مقدمة عن اهمية البحث العلمي دي بيتهيألي مش مهمة اوي كده كده هيسمعوا الكلام ده فالسيمنار وكمان احنا عايزين الكتاب يبقى عملي اكتر منه نظري
المهم دلوقتي عايزين ننجز ونبدأ بجد يعني لو حد ليه ف الوورد والحاجات دي اوي ياريت يظبط الحاجات والعناوين ولو في اي حاجة ناقصة او عايزة توضيح ممكن يقولنا هنا وكلنا نشارك فيها بس المهم نبدأ عشان كلها اسبوعين ورمضان يخلص وشوية والدراسة هتبدا والوقت مش هيبقى ملكنا وبالتوفيق ان شاء الله | |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| موضوع: رد: الكتيب - هنعمل فيه ايه ؟ الإثنين 23 أغسطس 2010, 11:07 pm | |
| طيب على بركة الله
نتفق دلوقتى
هل كل واحد ياخد مرحلة يظبطها..ولا مجموعة تجمع المعلومات ..ومجموعة ترتب..ومجموعة تنسق !!!!
ولا هتمشوها ازاى
يعنى ..هنوزع المهام ازاى
يلا يا جماعة..كله يشارك | |
|
| |
samah saad
عدد الرسائل : 32 العمر : 33 تاريخ التسجيل : 25/12/2009
| موضوع: رد: الكتيب - هنعمل فيه ايه ؟ الثلاثاء 24 أغسطس 2010, 5:55 am | |
| انا بردو راي زي ايمان تقريبا الترتيب بتاع منة معقول
و بردو الجزء بتاع الinformation sources يتحط في الاول خالص والمفروض ان دا كدا كدا هيبقى مسموع من د.ابو عياد ان شاء الله
وفي حاجة بردو انا كنت عايزة نحط مثلا في الاخر بعد منكون شرحنا كل المراحل زي بحث كامل صغير يوضح بقى شكل البحث النهائي غير الامثلة اللي على كل مرحلة بيحث انه لما ييجي يعمل بحث ويكون مثلا ناسي حاجات في الشرح او انه الشكل النهائي بيبقى عامل ازاي ويقارن بتاعه بال موجود اللي المفروض انه اصح حاجة يعرف يقيم بحثه من نفسه
كمان حاجة ان شاء الله لازم طريقة شرح كل مرحلة سواء هناخدها من الورق اللي معانا او احنا هنكتبها تكون بسيطة خالص وتساعدهم انهم يفتكروا الكلام ويبقى في دماغهم مش انه يتاخد ويتنسي
ونحط لكل مرحلة كلمة كده من الكلام المميز اللي بيثبت في الدماغ ده يحيث انه يكون ثابت في دماغه خلاص انه 1 كذا 2 كذا ......... مش عارفة بقى فاهمين قصدي في الحتة ديه ولا لا هي ممكن تبان عبيطة بس والله احسن...
المهم بقى حد كده يظبط ويقول المفروض دلوقتي كل واحد يعمل ايه بالظبط عشان نلحق نخلص قبل ما نبدا ف نهاية رمضان كده
معلش طولت شوية.. | |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الأربعاء 25 أغسطس 2010, 2:56 am | |
| - samah saad كتب:
وفي حاجة بردو انا كنت عايزة نحط مثلا في الاخر بعد منكون شرحنا كل المراحل زي بحث كامل صغير يوضح بقى شكل البحث النهائي غير الامثلة اللي على كل مرحلة بيحث انه لما ييجي يعمل بحث ويكون مثلا ناسي حاجات في الشرح او انه الشكل النهائي بيبقى عامل ازاي ويقارن بتاعه بال موجود اللي المفروض انه اصح حاجة يعرف يقيم بحثه من نفسه البحث النهائى دى فكرة حلوة بس هتبقى حسب حجم الكتيب بردو ؟؟ ممكن فى الاخر لما نيجى ندى مثال للبحث عامل ازاى (البحث الكامل يعنى بالاسماء والفهرس وكله)نعملها كتوضيح كمان حاجة ان شاء الله لازم طريقة شرح كل مرحلة سواء هناخدها من الورق اللي معانا او احنا هنكتبها تكون بسيطة خالص وتساعدهم انهم يفتكروا الكلام ويبقى في دماغهم مش انه يتاخد ويتنسي ده اكيد ان شاء الله بس ازاى؟؟ يعنى نعملها ازاى؟؟ ونحط لكل مرحلة كلمة كده من الكلام المميز اللي بيثبت في الدماغ ده يحيث انه يكون ثابت في دماغه خلاص انه 1 كذا 2 كذا ......... مش عارفة بقى فاهمين قصدي في الحتة ديه ولا لا هي ممكن تبان عبيطة بس والله احسن... كلمة عربى يعنى ؟؟ وعن المرحلة نفسها اسمها ولا كلام جوه؟؟ المهم بقى حد كده يظبط ويقول المفروض دلوقتي كل واحد يعمل ايه بالظبط عشان نلحق نخلص قبل ما نبدا ف نهاية رمضان كده هوه لسه الكلام فى مرحلة الاعداد لسه التفكير فى الكلان النهائى والترتيب النهائى
فى سؤال
هوه هيبقى عربى ولا انجليزى ولا من ده علاده؟؟
| |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الكتيب - هنعمل فيه ايه ؟ الأربعاء 25 أغسطس 2010, 4:44 am | |
| مينفعش يبقي من ده علي ده ، ومينفعش يبقي عربي علي فكرة احنا المفروض نكون اتفقنا علي النقط دي وخلصنا منها عشان قبل العيد نكون حددنا احنا هنعمل ايه بالظبط وعالاقل نكون جهزنا الشهادات وظبطناها وحددنا معاد الحفلة كمان .. | |
|
| |
samah saad
عدد الرسائل : 32 العمر : 33 تاريخ التسجيل : 25/12/2009
| موضوع: رد: الكتيب - هنعمل فيه ايه ؟ الأربعاء 25 أغسطس 2010, 9:56 pm | |
| [quote="Omar Atef"] - samah saad كتب:
البحث النهائى دى فكرة حلوة بس هتبقى حسب حجم الكتيب بردو ؟؟ممكن فى الاخر لما نيجى ندى مثال للبحث عامل ازاى (البحث الكامل يعنى بالاسماء والفهرس وكله)نعملها كتوضيح
هو ممكن كده يبقى كويس ل مش عاوزين ياخد مكان كتير س هو كده كده هيبقى حاجة توضيحية
ده اكيد ان شاء الله بس ازاى؟؟ يعنى نعملها ازاى؟؟ يعني تبقى الخلاصة في كل مرحلة محطوطين في ارقام كده يعني مثلا اول مرحلة انت المفروض هتعمل فيها كذا .. وكذا .. وكذا وكدا بقى في كل مرحلةهيبقى احسن من انه نحط رغي ودش ممكن لو حبه يرجعوله يزهقوا ومش يستفيدوا بيه من ان الكلام كتير ومش مرتب ..... وده طبعا هيبقى محتاج تنظيم جدا عشان كل نقطة تبقى شاملة اللي هيعمله بالظبط يعني عايزين ناس بتعرف تلخص المفيد وخلاصونحط لكل مرحلة كلمة كده من الكلام المميز اللي بيثبت في الدماغ ده يحيث انه يكون ثابت في دماغه خلاص انه 1 كذا 2 كذا ......... مش عارفة بقى فاهمين قصدي في الحتة ديه ولا لا هي ممكن تبان عبيطة بس والله احسن ... كلمة عربى يعنى ؟؟ ايوة وعن المرحلة نفسها اسمها ولا كلام جوه؟؟ لا عن المرحلة نفسها وممكن لو حاجة تفيد جوه
فى سؤال
هوه هيبقى عربى ولا انجليزى ولا من ده علاده؟ انا راي انه يبقى الاتنين في بعض لانه في الحاجات ديه اللي بيبقى فيها شرح انه يبقى ده علا دهبيكون احسن ومش ممل وممكن يفيد ايحد معرفش يجي الدورة نفسهادا راي مش عارفة بقى.... [/quote] | |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| موضوع: رد: الكتيب - هنعمل فيه ايه ؟ الخميس 26 أغسطس 2010, 12:36 am | |
| السلام على الجميع
عندى كام ملحوظة كده اقولهم باختصار
1. موضوع مثال الشكل النهائى للبحث يتحط ده سهل .. ممكن يببقى الsample اللى د.محمد علاء عمله السنة اللى فاتت 2.الكتاب يبقى طبعا بالانجليزى .. الانجليزى السهل المبسط
لان الناس هتكون حضرت معانا وسمعت بالعربى ويبقى معاها الكتاب يكتبوا فيه بالعربى او زى مايحبوا توضيحاتهم لنفسهم بقى
3.فكرة د.سماح فى موضوع التلخيص فى نقط مرتبة فكرة كويسة بس ممكن نعدل شوية فى الخريطة اللى كنا بنشتغل منها السنة اللى فاتت
انتوا طبعا فاكرينها
ممكن نختصر فيها او نعدل زى ما نشوف..وتتحط فى اخر الكتاب ..اعتقد ان ده يعتبر summury كويس جدا | |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ الخميس 26 أغسطس 2010, 1:45 am | |
| انا فعلا لما فكرت فى الموضوع لقيت فكرة العربى دى هتبقى مش لطيفة ابدا بالذات لو عايزين كتابنا شكله ممكيز من الناحية العلمية
لكن من الناحية العملية ..كان هيبقى العربى مفيد جدا.. ...
| |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الكتيب - هنعمل فيه ايه ؟ الخميس 26 أغسطس 2010, 3:32 am | |
| العربي مينفعش لكذا سبب : * أولا : هو شكله مش هيبقي عاطفي إننا نعمل الكتاب بالعربي ، خاصة إن ال Sources كلها أجنبي ..
* ثانيا : إحنا لو كتبنا الشرح بالعربي ، ده ممكن يخلي الناس تكسل عن الحضور !!
* ثالثا : مفيش سبب قوي إننا نعمله بالعربي أو نعمله Mix لأنه زي مانتوا قولتوا الناس هتيجي الدورة وتسمع الشرح فمش هتفرق معاهم .. | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| موضوع: رد: الكتيب - هنعمل فيه ايه ؟ الخميس 26 أغسطس 2010, 5:35 pm | |
| فعلا يا شباب الافضل باللغة الانجليزية ... وزى ما منة قالت الشرح بالعربى هياخده ... توكلوا على الله ... دووووس | |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| |
| |
Manar
عدد الرسائل : 659 تاريخ التسجيل : 21/11/2007
| موضوع: رد: الكتيب - هنعمل فيه ايه ؟ السبت 28 أغسطس 2010, 10:38 pm | |
| - Menat-allah كتب:
- MaNaL كتب:
- توكلوا على الله ... دووووس
اه دوسوا يامنة بقى اللي يكرمكوا دا عجل العربية نام خالص ضروري بقى تشوفوا السورسات فعلا اغلب الكلام - او الكلام المبدأي كنا جايبينه من اخر لينك حطيتيه والكلام عندي ف ورق مطبوع لو عوزتوه وكمان ورق الريفرنس عندكوا وورقة المسابقة بتاع الريفرنس اللي فيها جداول وكدا فيه منها نسخة سوفت عند د خالد - ياريت يوفرهالكوا هنا عشان انا هاردي اتفرمت وكل حاجة طارت - شوفوا لو عوزتوا اي ورق من عندي فيه نموذج ابحاث او نماذج المقدمات والكونكلوشن بتاعكوا احاول اوصلهولكوا بس يللا بقى كل حد فيكو يحد تصوره النهائي لترتيب الكتيب من حيث الصفحات ويكون فيها ايه وكدا من خلال الورق الاساسي بتاعنا ولو عاوزين تعملوا اجتماع اعملوا بس دووووسوا | |
|
| |
Menat-allah
عدد الرسائل : 67 العمر : 33 الفرقة : الرابعة تاريخ التسجيل : 27/12/2009
| موضوع: رد: الكتيب - هنعمل فيه ايه ؟ السبت 28 أغسطس 2010, 11:37 pm | |
| | |
|
| |
Omar Atef
عدد الرسائل : 97 تاريخ التسجيل : 03/01/2009
| موضوع: رد: الكتيب - هنعمل فيه ايه ؟ السبت 28 أغسطس 2010, 11:42 pm | |
| لو هنقدر ننظم على النت يبقى احسن لان صعب نعمل اجتماع فى العشر الاواخر يعنى
فياريت كلنا نتابع على النت (بقول الكلام ده لنفسى اولا ) خير ان شاء الله
| |
|
| |
إيمان
عدد الرسائل : 15 تاريخ التسجيل : 21/12/2009
| موضوع: رد: الكتيب - هنعمل فيه ايه ؟ الأحد 29 أغسطس 2010, 5:46 pm | |
| الاجتماع هيكون صعب اوي ف رمضان احنا ممكن نظبط مع بعض هنا بيتهيألي اول حاجة محتاجينها هي المعلومات لو في حد عنده المعلومات كلها ع جهازه غير د.منار ياريت يرفعها هنا بسرعة
ولو مفيش يبقى كل واحد يشتغل من الحاجات اللي عنده يعني اللي كان بيشرح ريفرنس اكيد عنده كل حاجة عنه وهكذا يعني كل واحد يشتغل ف حاجة ويظبطها عنده ولو يعرف يرفع شغله هنا يبقى كويس
ع فكرة احنا كل اللي معانا خرايط وكده مفيش شرح مكتوب غير ف الريفرنس بس تقريبا
ده تقسيم النقط اللي تحط العناوين الرئيسية حسب الخريطة اللي معانا كلنا
Basic search -Read&collect -rearrange -integrate -brain storming
Writing skills -introduction -paragraph -conlusion
Reference
Final touches
ياريت كل واحد فينا يختار نقطتين -يكونوا مناسبين للورق اللي موجود معاه- يتكلم فيهم بطريقة سهلة ومختصرة ويكتب هنا هو اختار ايه وياريت الناس اللي مش بتدخل نبلغها ونكتب هما اختاروا ايه
بس فيه سؤال هو الشرح المفروض يكون بطريقة مبسطة يعني بأسلوبنا صح ولا ايه؟
| |
|
| |
| الكتيب - هنعمل فيه ايه ؟ | |
|