معاد اجتماع الـ evaluation

عدد الرسائل : 659 تاريخ التسجيل : 21/11/2007

سلام عليكم

اولا - نعتذر عن الغاء معاد بكرة السبت - بس كليتنا المصونة نعمل ايه بقى _ !

ثانيا ودا الاهم - الاجتماع بتاع الـ evaluation

نعمله امتى ؟

المرة الاخيرة كنا مختلفين ف المعاد مابين الاتنين والتلات وبردو الساعة كنا مختلفين عليها

فياريت تدخلوا السبت والاحد وتقولوا المعاد المناسب الله يكرمكوا

يعني قولوا الاتنين فاشيين الساعة كذا وكذلك التلات

كل حد يدخل يقول ولو يعرف يقول لزمايله اوك

انا بقول نخليها الثلاثاء احسن وياحبذا لو كانت الساعه 10 كده ولا حاجة

هضربكلم 3 عصافير بحجارة واحده معاد اجتماع الـ evaluation Icon_smile

بجد ياريت الناس تقول مواعيدها ايه يوم الثلاثاء افضل ..

السلام عليكم

حصل خير يا جماعة الحمد لله انننا عرفنا قبل ما كانت الناس تروح وترجع على الفاضى

دلوقتى بالنسبة ليا انا واللى بياخدوا عند د.عماد مش فارق معانا اى المعادين

لكن انا سالت ناس بياخدوا عند \.العضيمى عن مواعيدهم

وعرفت انها الاثنين 10 .. فبتهيالى نقول يوم الاتنين 12 علشان لو منخليش الناس دى تنزل يوم تانى مخصوص للاجتماع

وبرضه اللى تشوفوه

عدد الرسائل : 97 تاريخ التسجيل : 03/01/2009

انا راى يوم التلات احسن
لان لو يوم الاتنين يبقى هنتاخر ...

وحصل خير ان شاء الله

انا برضو رايي يوم التلات احسن

عدد الرسائل : 36 تاريخ التسجيل : 13/08/2009

Khaled El-leithy كتب:: انا برضو رايي يوم التلات احسن

طيب هو أنا ممكن أسألكوا اللى محبذين يوم التلات ليه
أنا برده مع رأى دكتورة منة إن يوم الاتنين احسن عشان مننزلش مخصوص
وبرده القرار النهائى للأغلبية

اقوللكم انا يوم الثلاثاء ليه ؟؟ مع اني انا شخصيا يناسبني الاتنين اكتر

الفكره ان لو يوم الاتنين هنقعد --> هنقعد ع الساعه 12 وهنصلي الضهر طبعا الاول

فهنبدأ بالميت يعني 12 ونص .. الكليه بيقفلوا الساعه 2 فمش هنلحق نقعد طبعا ..

فيه نقطه كمان ... بس مش اكيد .. انا عاوز اقوللكم الجزء بتاع Information Sources

عشان مش عاوز تسمعوه اول مره مع الناس زيكم زيهم بس مش عارف هلحق اجهز
presentation ولالا فعاوزين يبقي معانا وقت يعني ..

وقورة رايه كده كمان .. فالثلاثاء افضل

طيب هو احنا فى اليوم ده المفروض نسلم الابحاث والحاجات اللى كانت مطلوبة مننا اخر مرة

ولو اه.. معنى كده اننا مش هناخد ال communication skills

وبالنسبة للمواعيد.. فاللى تشوفوه بقى

عدد الرسائل : 15 تاريخ التسجيل : 21/12/2009

Aya abdel_rahman كتب:: طيب هو أنا ممكن أسألكوا اللى محبذين يوم التلات ليه
أنا برده مع رأى دكتورة منة إن يوم الاتنين احسن عشان مننزلش مخصوص
وبرده القرار النهائى للأغلبية

احنا للاسف كده كده هننزل مخصوص ياآيه _ده بالنسبة لد/عماد عشان مفيش كورس_
اما بالنسبة لد/العضيمي مش عارفة الصراحة

بالنسبة لرايي...
عادي كله زي بعضه بالنسبالي

بالنسبة لراي سلمى...
هي كانت قالتلي اوصلكوا انها مسافرة وهترجع ع التلات كده ان شاء الله
فلو كان الاربع او الخميس يبقى احسن

Menat-allah كتب:: طيب هو احنا فى اليوم ده المفروض نسلم الابحاث والحاجات اللى كانت مطلوبة مننا اخر مرة

ولو اه.. معنى كده اننا مش هناخد ال communication skills

وبالنسبة للمواعيد.. فاللى تشوفوه بقى

اه المفروض الحاجات تتسلم يوم الثلاثاء

ودورة ال Communication Skills ممكن تبقي اول سبت في الدراسة ان شاء الله ..

مش عارفة بس انا بفضل يوم الاثنين عشان بجد الواحد زهق من النزول كل يوم ...
بس لو اتفقتوا على معاد تاني خلاص....

معاد اجتماع الـ evaluation Icon_neutral

عدد الرسائل : 659 تاريخ التسجيل : 21/11/2007

ان شاء الله دكتور احمد يقوللنا هو عرف يحجز قاعة الاتنين ولا التلات

والله المستعان

مش هتفرق بالنسبه للقاعه .. احنا غالبا هنقعد في الوحدة ..

عدد الرسائل : 580 تاريخ التسجيل : 19/11/2007

الثلاثاء افضل يا جماعة

الثلاثاء احسن عشان منضضرش ننزل يوم تاني الكلية

ان شاء الله الثلاثاء

ونبدا الساعة 10ونص

ده اخر كلام يا دكتور محمد؟؟

عدد الرسائل : 97 تاريخ التسجيل : 03/01/2009

خبر محبط جدا جدا

بكره طلع عندنا كورس فارما الساعة 10 او 12

ايه الحل؟؟؟؟؟؟؟؟؟؟!!!!!!!!!

عدد الرسائل : 97 تاريخ التسجيل : 03/01/2009

؟؟؟؟؟؟؟؟؟؟

عدد الرسائل : 580 تاريخ التسجيل : 19/11/2007

[i]بصوا بقى

انا زي ما قلت

الدورة دي مش شوية اجتماعات ولعب عيال وخلاص

الدورة دي التزام قدام ربنا وقدام الناس اللي قعدنا معاهم

كل شوية نغير معاد ونعمل ونسوي

وانا غلطان اساسا انه وافقت نغير معاد الاثنين

وانا لسه مزعل ابو عياد امبارح على حوار الكورسات دا واسالوه

...

اتفقوا على المعاد اللي يريحكوا وحطوا ف بالكم انه في وعد لازم توفوا بيه

عاوزين بكرة على راحتكوا .. بعده على راحتكو .. الخميس انا موافق

اختارو اليوم والمعاد وانا هجيلكوا

بس اياك حد يجي وميبقاش مخلص اللي عليه او يرجع يقول ورايا كذا ولا كذا

اللهم قد بلغت

اللهم دبّر لنا امورنا فننا لا نحسن التدبير

السلام عليكم

اولا يا دكتور محمد ..ياريت حضرتك تهدى ..

ثانيا : موضوع ان فيه عندنا كورسات او محاضرات او سكاشن او غيره

ده برضه التزام قدام ربنا .. عهد اخدناه قدام نفسنا ولاهلينا .. اننا نبقى متفوقين دراسيا .. ونحقق املهم فينا وامل نفسنا احنا كمان

كون ان ده يتعارض مع نشاط احنا بنعمله .. لوجه الله اولا..ثم لنشر العلم ومساعدة الناس

فده ميسمحلناش فى التقصير فى واجبنا الاول وهو الدراسة

حضرتك هتقلى يعنى الحصة دى اللى هتفرق .. طيب ما احنا ياما ضيعنا محاضرات وروندات؟؟
هاقول لحضرتك ان مش دى الحصة اللى هتفرق طبعا... لكن محدش ابدا قال انكم او اننا لما نضيع علينا شغل مهم يبقى صح

ده مستحيل.. فصبرا علينا يا دكتور .. مفيش حد مشترك فى الموضوع ده غصب عنه ولا حد ماسك زلة على حد

كلنا عاوزين نشتغل ونفيد.. بس الظروف اللى بتحصل بتبقى خارجة عن ارادتنا...

التمس العذر لاخواتك الصغيرين .. وان شاء الله مش هانخذلك ولا هانخذل نفسنا

وياريت زمايلنا اللى عند د.العضيمى ..- بعد اذن د.حمد - يقولوا ايه اللى يناسبهم .. وانا معنديش مانع باذن الرحمن

بالتوفيق ان شاء الله

عدد الرسائل : 659 تاريخ التسجيل : 21/11/2007

اسمحيلي أرد عليكي يامنة ف حاجة صغيرة برا الموضوع شوية
كانت جت سيرتها مرة معاكي وملحقناش نتكلم فيها

Menat-allah كتب:: ثانيا : موضوع ان فيه عندنا كورسات او محاضرات او سكاشن او غيره

ده برضه التزام قدام ربنا .. عهد اخدناه قدام نفسنا ولاهلينا .. اننا نبقى متفوقين دراسيا .. ونحقق املهم فينا وامل نفسنا احنا كمان

كون ان ده يتعارض مع نشاط احنا بنعمله .. لوجه الله اولا..ثم لنشر العلم ومساعدة الناس

فده ميسمحلناش فى التقصير فى واجبنا الاول وهو الدراسة

حضرتك هتقلى يعنى الحصة دى اللى هتفرق .. طيب ما احنا ياما ضيعنا محاضرات وروندات؟؟
هاقول لحضرتك ان مش دى الحصة اللى هتفرق طبعا... لكن محدش ابدا قال انكم او اننا لما نضيع علينا شغل مهم يبقى صح

ده مستحيل.. فصبرا علينا يا دكتور .. مفيش حد مشترك فى الموضوع ده غصب عنه ولا حد ماسك زلة على حد

بصي يامنة
الحتة دي بالذات - اتكررت كذا مرة ويبدو ان الهدف منها مش بيبقى واصل اوي
الكلام مش معناه ان عشان حد ساب حاجة دراسية ان الناس تسيب هي كمان وكلنا نبقى مضيعين يعني
احنا اولا واخيرا طلبة - ولازم نبقى مرتبين اولوياتنا والا هنتوه

المقصود يامنة بكل صدق
ان احنا نبقى حاسين ببعض - محدش يبقى شايل الحمل لوحده
ناس تضحي مرة باللي وراها وناس تانية تضحي المرة اللي وراها
اكيد كلنا همنا دراستنا ف المقام الاول وثانيا همنا دورتنا
بس لازم تحمل المسئولية يبقى حاجة مشتركة

ودا اللي بيبقى مقصود من الجملة اللي ذكرتيها فوق
وانا عارفة ان انتوا قد المسئولية
بس كلامي تذكرة مش أكتر

طيب دلوقتي الميعاد النهائي امتي..

علشان تلحقوا تبلغوا الناس

و اعتقد ان في معانا خمسة ستة غير عمر بياخدوا عن العضيمي

فالميعاد النهائي امتي..؟؟؟

عدد الرسائل : 97 تاريخ التسجيل : 03/01/2009

سلام عليكم

انا بعتذر يا جماعة
بس الموضوع مش بايدينا
اللى حصل ان الدكتور حدد المعاد ومكنا موجودين
ولما جينا مبقاش ينفع يتغير لان كل الناس كانت عرفته
والدكتور مش هيعرف يجيبهم تانى

تانى حاجة
احنا لما قلنا الاجتماع يوم التلات كان كل هدفنا انه يبقى فى وقت كبير
مكنش هدفنا ان احنا ناجل وخلاص

لكن الظروف هى اللى حصلت دلوقت واللى انا حكيتها دى

يبقى ايه الحل...؟؟!!

فيه حلول

اول حل يبقى الاجتماع الساعة 12

تانى حل
يبقى الاجتماع الساعة 9 ويخلص 12

تالت حل
ان المعاد يبقى يوم الخميس

رابع حل
ان الناس تسيب الكورس...!!!

دى الحلول

ياريت تقولو ايه الانسب ..بدل ما نعاتب فى بعض من غير فايدة
...

عدد الرسائل : 97 تاريخ التسجيل : 03/01/2009

سلام عليكم

راى
شريف
احمد مجدى
احمد سلطان
عمر

ان الاجتماع يبقى يوم الخميس
او يكون بكره الساعة 12 (مع العلم ان كده مش هنلحق...)

شوفو ايه المناسب ....؟؟؟

سلام عليكم

انا المناسب ليه بكره الساعة 12

( بس شوفو هنلحق ولا ايه )
...
او يوم الخميس في اي وقت