د.عمر عاطف

عدد الرسائل : 56 تاريخ التسجيل : 01/02/2009

السلام عليكم ورحمة الله وبركاته

ان الاوان بقى نرتب نفسنا ونشوف هانعمل ايه

اليكم بملخص الكلام اللي دار حول موضوع السيمينار

اقتباس :: لو تفتكروا السيمنار اللي فات
كان فيه 4 sessions

1- الافتتاح بتاع د وفاء والوكلا ود اشرف رضا

2- د حاتم .. وانكلم عن مبادئ البحث العلمي ودا كان البريسينتيشن بتاعه

3- د عبد الواحد ..
كيف تكتب بحثا والكلام كان لايمت للي احنا عاوزينه بصلة

4- فقرة حوارية مفتوحة مع د احمد رجب .. ودي عجبت ناس كتير

اقتباس :: طلعنا ف الاخر ان الفقرة الاولى والاخيرة 1 و 4

ينفع يتكرروا بشكل جديد بس الافكار ف حد ذاتها جيدة

الفقره الاولى هانتكلم فيها بعدين ان شاء الله

والفقره الرابعه ليها موضوعها اللي لسه محدش رد فيه

اقتباس :: الفقرة 3

ملهاااااش لازمة

وخسّرتنا أكتر ماكسّبتنا واللي هيتقال فيها احنا
ممكن نقول احسن منه بمراااحل
ف الورشة

الفقره دي هاتستبدل ان شاء الله

اقتباس :: هنستبدلها بفقرة الذ شوية ..

اللي هي ..

ازاي تبحث على
النت .. الناس كلها ( وانا منهم ) واولهم الدكاترة اللي هيبقوا حاضرين معانا .. .. ميعرفوش حاجة عنها وهيستفيدوا جدا منها .. واللي هيقدمها هيبقة طالب ..

كده مش فاضل غير...

اقتباس :: الفقره التانيه بقى
-
عاوزة اعادة صيغة

الكلام
فيها كان كلام نظري - ودا اللي هنعمله بس المحتوى
محتاجين نغيره

عاوزين
السيمنار السنة دي يبقى تحت عنوان

اهمية البحث العلمي

ده بقى اللي مفروض نتكلم فيه هنا بالتفصيل

بكده نكون استرجعنا اللي حصل السنه اللي فاتت وعرفنا فين الديفيكتات وعملنا عليه تعديلات

عدد الرسائل : 56 تاريخ التسجيل : 01/02/2009

نتكلم بقى عن السنه دي:

باذن الله دي الفقرات اللي هاتتقدم بصرف النظر عن الترتيب:

1- الفقره الافتتاحيه

2- فقره عن اهمية البحث العلمي ودي خلاص اللي هايقدمها دكتور احمد رجب (خلاص اتكلمنا معاه)

3- الفقره الحواريه ودي هاتبقى فيها دكتوره رحاب سمكه (خلاص اتكلمنا معاها)

4- فقرة ازاي تبحث ع النت ودي هايقدمها طالب ( سهله بقى)

نبدأ بقى كده ناخدهم واحده واحده بالترتيب

عدد الرسائل : 56 تاريخ التسجيل : 01/02/2009

اللي هايحصل دلوقتي اننا بنجمع كل الآراء اللي اتقالت بس بنحط كل حاجه تحت الفقره بتاعتها

بالنسبه للفقره الافتتاحيه

اقتباس :: طبعا كلام د-وفاء مهم عشان الكبيرة بتاعه الجودة

ود.اشرف والوكلاء

بس ياريت بقى نعرف كل واحد ان قدامه مثلا كام دقيقة ...

دا مش عيب ولا غلط دا المفروض نمشيه

احنا جودة بقى ...

يعنى الفقرة دى 30 دقيقة كلهم ..

حتى 30 دقيقة كتير

اقتباس :: عايزين نوفر تركيز الناس ووقتها للكلام
عن اهمية البحث العلمى وكيفية كتابته( ومعلش كمان وانا اسفه انى بقول كده،
مفيش داعي نجيب دكاتره كلامهم مكانش مفيد اوي) يعني م الاخر كده عايزين
نقلل ف عدد الدكاتره اللى هاتتكلم و ف الوقت المخصص لكل واحد.

بالنسبه بقى للفقره الجديده

اقتباس :: هو في نقطة مكنتش واخدة حقها
السنة اللي فاتت..

ازاي الناس تجيب المعلومات من عن النت و من مصدر
موثوق..

يعني مممكن لو نوار ليهم اسماء مواقع علمية
موثوقة
نحدد السورسات اللي ممكن يجيبوا من المعلومات و
اواي يوصلوا ليها
كده يعني..لان بجد بيبقي ناس كتير
مش عارفة الحاجات دي.

اقتباس :: وبإذن الله ربنا ييسر وتأخد حقها السنه دي ، نقطة الSearch دي تقريبا حوالي 1/3 الدورة

اقتباس :: وبيتهيألي
لازم ننوه عنها ف السيمنار
عشان الناس تتحفز وتيجي
الورشة ومتكسلش
عشان دي حاجة اعتقد ان
كل الناس بتدور عليها سواء عارفين اهمية البحث او لأ

اما الفقره الحواريه بقى

اقتباس :: اللي
بان قدامنا لغاية دلوقتي .. دكتورة رحاب سمكة .. عايزين
فقرتها ميكس ما بين تجربة البحث بتاعتها وحوار مفتوح مع الطلبة ... او ممكن نقول ان فقرتها هتبقى حوار الطلبة انطلاقا من تجرلابة
البحث بتاعها ..

فيه بقى آراء بشكل عام اتقالت

اقتباس :: احنا مش عايزين حد يخرج يحس انه ضيع وقته لما
جه يحضر ولا حتي حد يخرج من غير ما يستفيد

اقتباس :: و كمان حاجة الله يخليكم...ياريت نشيل فعلا الكلام الكتير اللي ميهمش
الطلبة
علشان و انا خارج السنة اللي فاتت من السمنار بجد
كنت ندمان اني حضرت السيمنار
بجد مطلعتش بحاجة منه
بس غيرت رايي لما خدت الوورك شوب

دلوقتي كده تقريبا كل الآراء والمقترحات اللي الناس شاركت بيها موجوده تحت كل فقره
ماعدا فقرة اهمية البحث العلمي

دي بقى هاكتبها لوحدها عشان عايزين نركز عليها

عدد الرسائل : 56 تاريخ التسجيل : 01/02/2009

اقتباس :

عاوزين
السيمنار السنة دي يبقى تحت عنوان

اهمية البحث العلمي

ننشر
المفهوم وأهميته

مطلوب مننا نحدد المحاور اللي
محتاجينها تكون موجودة ف الفقرة دي

عشان الدكتور اللي هيتكلم يبقى
عاوز احنا عاوزين ايه

عموما - دي محاور
مبدأية للموضوع

مقالة:

ماذا
قدم البحث العلمي للدول الكبرى ..

ماهو موقع البحث العلمي
في
الدول الكبرى

اهمية البحث العملي في المجال الطبي ..

اهمية
البحث العملمي في مصر .. في مجالات

الطب

الزراعة

الاقتصاد

مشاكل المجتمع

ومحتاجين نعرف رأيكوا
ونزود ايه كمان

وبعد كدا نقسم المحاور علينا ونبحث فيها ونشوف ايه
الكلام اللي ممكن يتقال
تحتها

اقتباس :: يالنسبة بقة للنقطة 3 اللي مفروض
نفكر فيها هي فعلا المحور الاساسي السيمنار

فاحنا عايزين الناس تقعد وتسمع
للاخر

اقتباس :: طب هو بيبقى فيه داتا شو ف الفقرة دي
بيتهيألي يبقى احسن من لما
الدكتور يتكلم كدة بحس الناس بتزهق وتنام منه وتمشي

بالنسبة للمحاور ممكن نعمل مقارنة
كدة بين مصر والعالم المتقدم ف بعض المجالات
اللي كان البحث العلمي سبب ف وجود
فروق كبيرة بينا وبينهم ف المجالات دي
ممكن يتعملها داتا شو مثلا صور
وحاجات من الواقع
بيتهيالي دة هيبين اهمية البحث
العلمي خصوصا الناس مبهورة بالدول المتقدمة وتطورها

كمان ممكن يكون بداية الكلام حوار
بين الدكتور والحاضرين عن اهمية البحث العلمي
يشوف دماغهم بتفكر ف ايه كدة كنوع
من التفاعل بدل ما يناموا منه

انا عارفة ان فيه فقرة حوارية بس
دة بعد ما يسمعوا احنا عايزين قبل ما يسمعوا كمان عشان نعرف اذا كان الكلام هيغير
ف فكرهم ولا لا

انا شايفة ان الفقرة دي مهمة جدا
لان معظم الناس بتحب تشارك ف دورة البحث العلمي عشان ورقتين بيتقدموا للاقسام

بس لازم نفهم ان موضوع البحث
العلمي اكبر من كدة كتييييييير

اقتباس :: ممكن نبين برده نماذج مصرية عملت انجازات ف مجال
البحث العلمي

عشان ما يحسوش ان الصورة سودة
كدة ف مصر لا دة فيه امل

وياسلام لو يكونوا ف المجال
الطبي

اقتباس :: الاول اركز على اهمية البحث العلمى للطالب نفسه ... وبعدين ممكن اتكلم على نطاق اوسع .. الدولة وتقدمها والكلام الكبير ده

لكن الل يهمنى فى المقام الاول ... اهمية البحث بشكل صح لمستقبلى انا -اللى هو الطالب - يعنى وبالتبعية يبقى اهميته للبلد

فمثلا
: نتكلم على ان البحث العلمى المكتوب صح والمتوافر فيه كل الشروط هياخد
تقدير اعلى .. وان اللى هاتعلمه فى الدورة هيفيدنى وانا باعمل الدراسات
العليا - اللى الناس بتحلم بيها - ومش هاقع فى غلطات كتابة ولا مراجع ولا
هفوات تنقص من بحثى..

طبعا ممكن نذكر نقطة ان الابحاث هتتقيم السنة دى على اساس صحة كتابة المراجع - لا نتفق عليها مع د.عبد الخالق

وهكذا
يعنى ...يبقى حببت الناس فى الموضوع وانه هيفيدهم دلوقتى وثمرته هتبان
قريب مش لسه على مستوى الدولة - على فكرة ده مش رايى بس مجرد محاولة قراءة
افكار بعض الناس -

اقتباس :: عاوزين حد يفهم بلاش يفهم يحسس الطالب

ان لو معملش ومتعلمش البحث العلمى هيموووووووووت

ويعدل الداتا طبعا ... ليس نظريا لكن الشكل العام . تنسيق

حاجة كدا تليق بمستويات عقول بتوع البحث العلمى .

اقتباس :: لاحظوا اننا عايزين نغير مفهوم راسخ عند معظم الطلبة_اللي انا منهم_
ان البحث ده مجرد حاجة تقيلة.. مفروضة علينا... عايزين يضيعوا بيها وقتنا
... ولسه هنعمل كوبي وبيست...الخ
الهدف بجد من السيمينار ده اننا نحسسهم باهمية البحث العلمي
زي ما احنا حسينا بيها ف الاجتماعات الاخيرة
طريقة كلامكوا وحماسكوا
حسسونا فعلا ان الموضوع كبير
ده حاجة ليها علاقة بديننا وسنة رسولنا
الاسناد والمرجعية
واننا لازم نرجع كل حاجة لاصلها وندي لصاحبها حقه
والا تعتبر سرقة
الحكاية دي اثرت فيا اوي

اقتباس :: **نخلى فقرة د/أحمد رجب بدل ماهية مناقشات مع الطلبة انه هوة اللى يتكلم
عن أهمية البحث العلمى لانه هيكون مقنع أكثر كمان طريقته مش مملة
**كمان
ياريت نخلى فيه فقرة بنتكلم فيها عن البحث العلمى فى الدول وياريت نتكلم
عن امثلة لدول نامية قدرت باهتمامها بالبحث العلمى انها تبقى فى الصدارة
في أحد المجالات وكمان تتفوق على الدول المتقدمة زى الهند فى مجال برامج
الكمبيوتر علشان نصحى الأمل ونفك عقدة الخواجة اللى بقت ثابتة فى تفكيرنا
وهى ان اى حاجة صح ومفيدة مابتنفعش غير فى أمريكا او اوروبا
كمان ياريت الدكتور اللى هيتكلم فى السمينار يكون محايد يعنى مايخليش
الدنيا بمبى ولا يخليها سودة كحل اه يتكلم بواقعية بس يخلى فيه امل

اقتباس :: لما نشحنهم بأهمية البحث العلمى ودوره هنخلى عندهم دافع أكتر
واقبال على الدورة وبعدين أنا شايفة انالهدف الاساسى
للدورة بينقسم لهدف طويل المدى وهدف قصير المدى وهو كيفية كتابة البحث اما
الهدف طويل المدى هونشر أهمية البحث العلمى ودوره وده الهدف اللى كلنا
اتفقنا عليه فى بداية التحضير للدورة السنة دى
ولو فضلنا نبص تحت رجلينا وبس لازم هنقع لكن لو بصينا قدامنا هنقدر نكمل ونكون أحسن
وبيتهيألى ان قلة (مش هقول عدم)وعينا بالبحث العلمى هى سبب رئيسى فى اننا دولة نايمة

اتمني اني اكون جمعت كل الآراء

طبعا المفروض كنت الخصهم بس بجد انا فصلت

ان شاء الله نحاول نجمع الموضوع ف نقط عشان نكلم فيها دكتور احمد

بس انا مش قادره اكمل دلوقتي هادخل وقت تاني ان شاء الله

دلوقتي مطلوب من كل الموجودين لو حد عنده تعليق او لوفيه حاجه ماتقالتش يدخل يكتبها

سلام مؤقتا

عدد الرسائل : 659 تاريخ التسجيل : 21/11/2007

هايل يارحاب الله يكرمك

وفرتي علينا كتير

بس ليا طلب صغير خالص

انا عاوزا الكلام بتاع فقرة اهمية البحث العلمي كعناصر مرتبة على بعضها

ف ملف وورد عشان ينطبع بكرة ويروح لدكتور أحمد لانه مش available الا بكرة

عدد الرسائل : 659 تاريخ التسجيل : 21/11/2007

دي خلاصة الكلام اللي فوق ف عناوين بالترتيب

1- حوار مع الحاضرين لمعرفة مفهوم البحث العلمي ليدهم
2- مفهوم البحث العلمي
3-أهمية البحث العلمي
- موقع البحث العلمي في الدول الكبرى
- ماذا قدم البحث العلمي للدول الكبرى
- أمقلة لدول نامية استطاعت من خلال اهتمامها بالبحث العليم أن تتبوأ مراكز الصدارة
- البحث العلمي في مصر : ميزانية
مستوى ( الطب - الاقتصاد - الزراعة - مشاكل المجتمع )
- أهمية البحث العلمي في المجال الطبي
- نماذج بحثية مصرية ناحجة في مختلف المجالات وتحديدا الطب
- الطالب والبحث العلمي : دوره
أنواع الابحاث التي من الممكن أن يشارك فيها

ملحوظات :
عاوزين الناس تقعد وتسمع للاخر
عاوزين الطالب يحس انه لو معملش ومتعلمش بحث علي هيموووووووت
البريسينتيشن يكون فيه صور واقعية توضح التقدم العالمي في البحث العلمي في كافة المجالات
الواقيعة في الكلام ( ايجابيا وسلبيا )

عدد الرسائل : 659 تاريخ التسجيل : 21/11/2007

د عمر عااااااااااااااااااااااااااااااااااااااااااطف واصدقائه

جهزتوا موضوع د احمد رجب

يعني الكلام جاهز فوق اهو ومش باقي غير ان احنا نروح للدكتور

هتروحوا امتى ياجماعة ؟

عدد الرسائل : 580 تاريخ التسجيل : 19/11/2007

Manar كتب:: د عمر عااااااااااااااااااااااااااااااااااااااااااطف واصدقائه

جهزتوا موضوع د احمد رجب

يعني الكلام جاهز فوق اهو ومش باقي غير ان احنا نروح للدكتور

هتروحوا امتى ياجماعة ؟

عدد الرسائل : 97 تاريخ التسجيل : 03/01/2009

سلام عليكم

انا معرفش مين اصداؤه دول..!!
يعنى هوه مين كان المفروض انه مسول عن مضووع الدكتور احد رجب..
تقريبا كان المسولين الاساسيين هم احمد مجدى وخالد

ولا الولاد كلهم...؟؟؟

عموما ... انا مش عراف احنا نقدر نروحله امتى...

هسالهم وارد هنا ان شاء الله..

عدد الرسائل : 659 تاريخ التسجيل : 21/11/2007

أنا بفكر نلغي السيمنار

ايه رأيكم

؟؟

عدد الرسائل : 97 تاريخ التسجيل : 03/01/2009

Manar كتب:: أنا بفكر نلغي السيمنار

ايه رأيكم

؟؟

لا طبعا مش قصدى ...
انا بس بتلم لاى مكنتش اعرف اصلا انى فى الناس اللى هيروحو لد احد رجب...
؟؟؟

عدد الرسائل : 580 تاريخ التسجيل : 19/11/2007

اقتباس :: عموما ... انا مش عراف احنا نقدر نروحله امتى...

هسالهم وارد هنا ان شاء الله..

موضوع: رد: د.عمر عاطف الخميس 25 فبراير 2010, 1:29 am

Manar كتب:: أنا بفكر نلغي السيمنار

ايه رأيكم

؟؟

مش كنتوا قلتوا قبل اما اتعب نفسي

في حجز القاعات وتجهيز ال presentation

موضوع: رد: د.عمر عاطف الخميس 25 فبراير 2010, 5:28 am

سلام عليكم..

انتم لسه واقفين هنا...انا غيبت اسبوع قولت هارجع هلاقيكم خلصتوا السيمنار.. د.عمر عاطف Icon_smile

انا داخل بالصدفة كده...عقلي الباطن قالي عايزينك علي منتدي الجودة.. د.عمر عاطف Icon_lol

كلمة بس...خالد و مجدي ايه و مسؤوليين اساسيين مين..!!
مين اللي قال و امتي ؟؟!
و محدش يقولي من ساعة الاجتماع اللي كان في الاستوديو..علشان انا مش فاكر انا اتغديت ايه النهاردة
.....
ما علينا...المهم

1- النقط اللي فوق دي اللي الدكتورة منار كاتباها..المفروض هنعمل بيها ايه يعني
ندور علي النت و نجيب الكلام يعني ولا ايه..؟؟

2-احنا المفروض نطلع للدكتور قبل السيمنار بقد ايه..؟؟

3- انتم عايزين الكلام ده يخلص امتي..؟؟

عدد الرسائل : 97 تاريخ التسجيل : 03/01/2009

اللى فاهمه
ان النقط دى هنوديها لدكتور احمد رجب ... عشان يعمل بريزنتاشن ... للسيمينار..

بقية الاسئلة بقى؟؟

موضوع: رد: د.عمر عاطف الخميس 25 فبراير 2010, 6:53 pm

Manar كتب:: أنا بفكر نلغي السيمنار

ايه رأيكم

؟؟

السلام عليكم

السيمنار فيه فايدة طبعا ...

لان احنا عاوزين الدكاترة يحثوا باهمية الموضوع

لما تبدا اتنين ثلاثة .. من الدكاترة

هما هيقفوا معانا ...

تدبيس

" انا عارفه ان ال فى دماغى مش هيوصل " .

بس السيمنار اكيد هيكون مفيد ان شاء الله ..

ربنا يوفقنا

موضوع: رد: د.عمر عاطف الخميس 25 فبراير 2010, 7:00 pm

اقتباس :: -احنا المفروض نطلع للدكتور قبل السيمنار بقد ايه..؟؟

بالنسبة لنقطة دى

حاولوا تروحوا بدرى عشان يعمل حسابه ...

لان الدكتور ساعات " او تكاد تكون دائما "

مشغول وبيسافر ...

روحوا مرة اشرحوا الموضوع والمطلوب .

وقبل السيمنار بيومين اكدوا عليه ..

الايام الموجود فيها اساس :-

الثلاثاء " بنسبة 100% " الا لو فى ظروف خاصة به تمنعه .

الاثنين .. عشان محاضرات المجموعة الاولى ..

موجود من الساعه 10 صباحا ...

الصبح يوم الثلاثاء " العيادة " لحد الساعه 11ونصف او 12

ومن 12ونصف عنده محاضرة لينا ..

يوم الاثنين :- الصبح محاضرة وبعد كدا معتقدش عنده حاجة فى القسم ...

حاولوا تتواصلوا معاه وبما ان الاولاد المسئوليين فى النقطة دى ...

اتفقوا معاه فى يوم ..

وتاكيد اليوم بالموبيل ..

" تليفونات " بقى

ربنا معاكوا ...

موضوع: رد: د.عمر عاطف الخميس 25 فبراير 2010, 8:00 pm

اقتباس :: - انتم عايزين الكلام ده يخلص امتي..؟؟

عذرا ... النقطة دى شدتنى ومعرفتش امسك نفسى

فلازم ارد ..

بصفة عامة ... سواء الكلام مع دكتور احمد رجب

سواء تجهيز الرفيرنس او الداتا .

او اى حاجة تبع البحث ...

الوقت الفاضى ليكوا استغلوه فى عمل جزء لشغل البحث ..

لانكوا هتغمضوا عينكوا وتفتحوا هتلاقوا الوقت عدى

وقبل السيمنار بيومين الشغل يتقل ويا سلام ولو خبطت فى امتحان الامور هتبقى صعبه.

دلوقتى العبوا فى الامور واحدة واحدة

بلاش الزنقه زى زنقة الامتحانات ..

حد فهم حاجة ؟؟

موضوع: رد: د.عمر عاطف الخميس 25 فبراير 2010, 9:06 pm

و الله يا دكتورة..احنا في زنقة علطول مفيش وقت اصلا نختار..
..
المهم دلوقتي..
هو كده لازم نطلع لدكتور احمد رجب يوم التلات الجاي علشان نضمن انه موجود
..
عايز بقي حد يرد رد قاطع علي سؤالي..

العناوين دي هنكتبها في ورقة و نطلع للدكتور علطول ولا ايه..؟؟

موضوع: رد: د.عمر عاطف الجمعة 26 فبراير 2010, 10:00 pm

Khaled El-leithy كتب:: عايز بقي حد يرد رد قاطع علي سؤالي..

العناوين دي هنكتبها في ورقة و نطلع للدكتور علطول ولا ايه..؟؟

موضوع: رد: د.عمر عاطف السبت 27 فبراير 2010, 1:43 am

والله ياخالد مش شرط ورقه يعني .. المفروض تبقوا مذاكرين الكلام ده كويس ..

المهم تطلعوا يعني وتأدوا المهمه كويس ..

عدد الرسائل : 580 تاريخ التسجيل : 19/11/2007

الحمد لله

طبعا انا اللي رحت للدكتور احمد رجب .. وقابلته يوم الثلاثاء .. واتفقت معاه

والراجل مرحب .. وان شاء الله خنقابله يوم الاحد نشوف وصل لايه ..