سلام عليكم....


هو انا شايفه ان الفقرتين واحد وبعدين الاهم اننا نركز ان ناس تتعلم تكتب بحث يعني مش فكرة اننا نشحنهم باهمية البحث العلمي ودوره ونبعد عن الهدف الاساسي

ماهو لما نشحنهم بأهمية البحث العلمى ودوره يا د/رحاب هنخلى عندهم دافع أكتر واقبال على الدورة وبعدين مع احترامى لرأيك أنا شايفة انالهدف الاساسى للدورة بينقسم لهدف طويل المدى وهدف قصير المدى وهو كيفية كتابة البحث اما الهدف طويل المدى هونشر أهمية البحث العلمى ودوره وده الهدف اللى كلنا اتفقنا عليه فى بداية التحضير للدورة السنة دى
ولو فضلنا نبص تحت رجلينا وبس لازم هنقع لكن لو بصينا قدامنا هنقدر نكمل ونكون أحسن
وبيتهيألى ان قلة (مش هقول عدم)وعينا بالبحث العلمى هى سبب رئيسى فى اننا دولة نايمة

واضح انه حصل misunderstanding

انا مقصدتش خالص ان الكلام عن اهمية البحث مش مهمه لان زي مانتي ماقولتي

اقتباس :

قلة (مش هقول عدم)وعينا بالبحث العلمى هى سبب رئيسى فى اننا دولة نايمة

يا ستي انا مقتنعه بالكلام ده كل اللي انا بقوله اننا مانكتفيش بالكلام عن اهمية البحث العمي والحاضر المظلم والمستقبل المشرق

لكن نحفز الناس انها تطبق قلنا الطريق الصح ومطلوب نمشي فيه مش بس نعرف الطريق

وانا كلامي كان على اساس ان هما 3 فقرات واحده عن اهمية البحث والتانيه كيف تكتب بحثا والتالته فقره حواريه برضو بتدور حول اهمية البحث العلمي
يعني كده النسبه 2:1

وكان قصدي اننا نقول كل اللي عايزينه ف الفقره بتاعة اهمية البحث العلمي بدل مانعمل فقرات كتير بس بنتكلم عن الاهميه انا عايزه الناس تطلع تعرف تعمل حاجه جديده

ومع ذلك ده ماينفيش اننا عشان نتكلم عن البحث لازم نتكلم ونوضح اهميته ودوره الفعال

اقتباس :

فاضل
فقرة اهمية البحث .. ولسه مش باين صاحبها ... بس الوضع تقريبا محصور بين
دكتور احمد رجب ودكتور عبد الرحمن السباعي ( لغاية ما توصلنا داتا عنه )

د ابوعياد

ايه الاخبار عن د عبد الرحمن ؟

لسه مظهرش والله ...

يمكن يكون موجود الثلاثاء .. ربنا يسهل ..

اصل الفكرة يا خلود يا حبيبي ان مفيش بحث علمي في مصر ولا دعم له ..

طبعا في هيئات دعم كتيرة ، لكن الحاجات اللي بتروح هناك غالبا بتترمي وتتركن علي الرف

واصحابها لربنا يكرمهم ويسافروا بره ويشقوا طريقهم .. ياربنا يكرمهم برده ويتجننوا