بكرة الختام ..

ههههههههههههههههههه

امتحاااااااااااااان...


















ربع ساااااااااااااااااااااااعة

(ولله فى خلقه شئون)

ان شاء الله اليوم يعدى على خير ..والكل يتبسط ...

مبااااااااااااااااااااااارك

عليكوا

يا شباب

ربنا يوفقكوا والكل يكون استفاد وفرحان .

جه وقت التقييم فالتقويم "End stage Evaluation"...هنزل الملاحظات إن شاء الله في أقرب توقيت ..

بس براجة عليــــــــــنا..

بجد انا فرحان اوي اوي اوي..لو اعقدت اكتب اوي للصبح مش هيكفي

اول مرة احس اني عملت حاجة عليها القيمة من ساعة ما دخلت الكلية دي..

نزلولنا نتايج الاستفتاء بقي..

في انتظار التقييم..بس براحة يا اتش

بسم الله الرحمن الرحيم

أنا هتكلم بداية كدا عن الدورة السنادي بشكل عام وفي نقط عاوز الناس ترجع بالذاكرة ليها ، ممكن بعد ما الدورة انتهت يكونوا نسيوها أو مش واخدين بالهم منها لكن أنا حابب أعمل تركيز عليها وأنا على فكرة بتكلم من منظور المتفرج فقط وأي حاجه هقولها هتكون بصفتي واحد بيتابع فقط مكنش ليا دور في أي حاجه اتعملت في الدورة غير بعض الحاجات البسيطة جدا يعني وبالتالي حكمي أعتقد هيكون منصف لحد كبير ومش هيكون ليا أي ميولات شخصية ..
“ I’m just viewer”
أول ما هتكلم لازم الواحد الصراحة يبدأ بالنتائج عشان أقولكوا تفسيراتها ، معظم الناس إلي ردت قبلي من المدربين أجمعوا في ردودهم إنهم عملوا حاجه مختلفة عن النشاط إلي عملوه قبل كدا وإنهم عملوا حاجه جديدة ومفيده وإنهم وإنهم ...
لازم بقى يبقى تفكيرنا طب احنا ليه وصلنا للنتيجه دي ؟؟وإزاي قدرنا نحقق حاجه زي كدا ..
الموضوع كالآتي : طول ما فيه دماغ شغاله بتحاول دايما إنها تعمل عمل في إطار جماعي ، والعمل دا خاص بالعلم كمان ، والعمل دا مغطيه من كذا جانب "جانب دعائي ، جانب إداري ، جانب خاص بالمادة العلمية نفسها جانب فني،جانب له علاقات بأعضاء هيئة التدريس ......" كل دا كان مدرج ضمن أهداف الدورة ومش بشكل عشوائي إطلاقا لأ بشكل منظم جدا جدا و بأدوار محددة جدا وبصورة ليها أهداف واضحة وفي إطار محدد وكلها بتصب في النهاية في قيمة العمل النهائية ...
أنا على فكرة بتكلم كل دا عن الي عمله د.محمد قورة ، الراجل دا جه أول ما قال عاوزين نعمل دورة رسم خطة أو خريطه للشغل فيها أدوار محدده كانت متمثله في لجان وكل لجنه فيه ناس مسؤولين عنها قاموا بأدوارهم على أكمل وجه ، وهو دا الي خلق للدورة الشكل العام إلي ظهرت بيه ، وهو دا الي لازم يعملوا أي حد مسؤول عن أي نشاط جماعي ، والراجل كمان طبق الفكر دا على ورق و عمل ورقة لتقييم كل لجنة أو كل مرحلة من مراحل الدورة وحط لكل حاجه نسبة معينه في التقييم يا ريت بقى د.محمد يكمل جميله وينزل نسب التقييم الجزئية والكلية للموضوع عشان السنين الجاية مش أكتر ...
نيجي بقى لأدوار اللجان ، كل الي اشتغل عمل الي عليه في ضوء الامكانات وشفتوا إزاي التكامل كان موجود بين الجزء الإداري في الدورة والجزء التحضيري للسيمنار والجزء العملي في الوورك شوب ودا أكيد بيدل على إن كل واحد فعلا أدى دوره على أقل تقدير بنسبة نجاح جيدة ..
آجي بقى على نقطة تانيه ، نقطة المدربين ، فعلا هم أكثر المستفيدين من موضوع الدورة لأسباب كتير جدا جدا منها مثلا إن كتير منهم كانوا أول مرة يشرحوا حاجه علمية لحد وبالتالي إن المدرب كدا لما يقعد ويشرح للناس دا بيديله ثقة عظيمة جدا في نفسه وبتكون زي كسر للحاجز النفسي بينه وبين الغير ، دا غير طبعا حاجات تانيه كتير بس أنا شايف إن دا أهم مكسب ...


الجزء إلي فات دا ملخص للدورة طبعا مش عاوز أكلم فيها كتير بس الكلام دا ممكن يبقى زي أرشيف أو توثيق حتى للسنين الجاية ـ الي هيبقى موجود هيفتكر إنه اتعمل كذا وكذا وحصل كذا وكذا ..


آجي أتكلم بقى عن نقاط سلبية بقى في الدورة ، هيا حاجات الصراحة خارجه عن إرادتنا كطلبة بسبب ظرف أو آخر زي مثلا الوقت ـ الدورة اتأخرت كتير عن المعاد الي المفروض كانت تتعمل فيه ..وحاجات تانيه في الشغل نفسه بس دي فعلا بتكون معظمها حاجات خارجه عن الإرادة وفيه حاجات تانيه بقى إدارية أو في اللجان نفسها دي محمد من خلال ورقة التقييم الي كان عاملها ممكن يقيم كل حاجه ويعرف لو كان حاجه فيها جانب من جوانب التقصير أو لأ ولو إن الشكل العام بيدي انطباع عام إن الأداء كان معقول جدا وأنا قلت هتكلم كإني مش عارف حاجه عن الموضوع ...

بالنسبة للوورك شوب الأداء الفردي فيها كان ممتاز كل واحد بصورة فردية أدى بشكل جيد جدا من وجهة نظري ، سواء في الفقرات إلي اتقالت أو مع المتدربين من وجهة نظري كانوا ممتازين جدا ، بس للأسف الأداء الفردي الممتاز دا مترجمش لحالة جماعية بنفس الكفاءة ـ يعني أنا لو باخد الوورك شوب كنت هبقى مبسوط جدا من كل فقرة في الوورك شوب لوحدها لكن كترابط بين فقراتها مكنش على نفس المستوى ودا لأسباب كتير منها حاجات خارج إرادتنا ومنها حاجات كانت ممكن تتعدل وأكيد في ساعة فضا كدا هبقى أقول لمحمد على الحاجات دي لأن كتابتها تطول الصراحة لكن أكيد الشكل بتاع السنادي أحسن من السنة الي فاتت والشكل بتاع السنه الجاية هيبقى أحسن من السنة دي وهو دا التطور الطبيعي للحاجه الساقعه يعني .....

آخر نقطه بقى عشان أنا دماغي بدأت تلف هو
وبعدين ؟ بقالنا سنتين بنعمل دورات طب وبعدين يعني ....
وبعدين دي بقى هنضطر نستغل فيها علاقة د.محمد قورة المتميزة جدا بالدكتورة سهير صالح عشان تتم ، ولو تمت يبقى دي هتبقى نقله تانيه خالص للحوار من أوله لآخره ....

و بعدين دي...نقلة تانية...حوار..!!!

ممكن توضيح اكتر

و لا استني الوقت المناسب..؟؟

....

هو كان اتقال قبل كده النفروض هنطلب من الكلية و الاقسام انها تحاسب الناس في ابحاثهم علي
اللي احنا بنديه للناس في الدورة..

و يا سلام لو ده اتحقق اليومين دول قبل الاجازة..