طبعا الفترة الجاية حنبدأ نشتغل بجد

المرحلة اللي فاتت كان المنتدي بيأدي دور اعلامي أكتر منه عملي

لكن دلوقتي حنبدأ نشتغل بجد و كل مجموعة حتبقي مسئولة عن حاجة معينة

و حيخططولها و يقسموا الشغل و يظبطوه علي المنتدي

تفتكروا نستعمل المنتدي ازاي علشان يبقي مناسب لنظام ورش العمل دي



هل محتاجين أقسام تانية ؟؟

هل نعمله دعاية في الكلية كموقع خاص باللجنة ؟؟ طب حنحط فيه ايه الناس تشوفه ؟؟

هل نفتحه للناس كلها و لا نسيب المنتديات بتاع الشغل للأعضاء فقط زي ما هي ؟؟

هل المنتدي ده كفاية أصلا لشغل اللجنة في الفترة الجاية ؟؟؟ و لا محتاجين موقع كامل ؟؟

انا رايي مش محتاجين نعمل سايت او منتدى جديد او نوسع فى الموضوع

لان معتقدش هيبقى عليه حاجة تجذب الناس للدرجه

اللى احنا عاوزين نصله للناس يبقى فى المجله

هنا يبقى لشغل اعضاء الفريق وخلاص

ده رايي يعنى

كده تمام

بس احنا عايزين نطور الموقع علشان شغل اللجنة

يعني مثلا عايزين نعمل ورش عمل للتدريب في الموقع

عايزين نتدرب مثلا علي البحث علي النت

و علي كتابة المقالات الطبية

و علي تحديد الأهداف

في رأيك نعمل الحاجات دي إزاي ؟؟؟

نعملها مثلا بوربوينت و نحملها و الناس تنزلها و خلاص

و لا علي شكل موضوع و نتناقش جواه

انا في رأيى انه يبقى لاعضاء المنتدى فقط

لان محدش هيهتم يتابع شغل اعضاء اللحجنهن بالشكل الي هو..

يعني مش هتفرق كتير

sally كتب:

طيب بالطريقه دي المنتدي ها يكون خاص فقط بالاعضاء في اللجنه

طيب لوفي اي حد عايز يتابع الي بيحصل في اللجنه من المنتدي
انا في رايي تفتحوا المنتدي لكل الطلبه تشارك فيه برايها واكيد كله هايستفيد .

انا كمان رأيي انه يتفتح لكل الناس
ممكن حد يكون عنده فضول يفهم ويتابع وده هيساعده كتير
ناس تانية بتبقى عاوزه تشتغل بس مش عارفه تبدأ منين ولا تعمل ايه
ممكن اي حد يقرأ حاجه عن شغل الجوده هنا يقدر يفيدنا بعد كده
المشروع الحمد لله كبر محتاج بقى اعضاء اكتر تشيل الشغل التقيل اللي جاي
واكيد المنتدى هيكون وسيلة كويسه لجذب الناس دي
لان فعلا في ناس كتير عندها حابه الموضوع جدا ونفسها تعرف عنه كتير

محمد أبوشادي كتب:

عايزين نتدرب مثلا علي البحث علي النت

و علي كتابة المقالات الطبية

و علي تحديد الأهداف

في رأيك نعمل الحاجات دي إزاي ؟؟؟

نعملها مثلا بوربوينت و نحملها و الناس تنزلها و خلاص

و لا علي شكل موضوع و نتناقش جواه

ممكن الاتنين
يعني نحملها واللي عاوز يناقش جزئية معينه او محتاج فيها تدريب وتطبيقات اكتر يبقى الموضوع مفتوح للنقاش قدامه

بس ليه متكنش الحاجات دي في ورش عمل في الكلية؟ هتبقى افضل ونضمن انها وصلت كويس

انا رايي بصراحه

نشوف احنا عندنا كام لجنه بالظبط

ونفتح على قدهم منتديات

كل لجنه ليها حتتها وششغلها

والترابط يكون عن طريق منتدى تاني

ويكون في منتدى لعرض معلومات عندنا للزوار

وواحد كمان للزوار يقولوا فيه ارائهم ومقترحاتهم


هو ده الشكل العام اللي في دماغي

بس ان شاء الله فيه تفصيل اكتر