MNFMED QAAP Forum

منتدي لجنة الجودة بكلية طب المنوفية
 
البوابةالرئيسيةس .و .جالتسجيلدخول

شاطر | 
 

 مهم جداً يا شباب .. ما ينفعش نخسرهم

اذهب الى الأسفل 
كاتب الموضوعرسالة
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: مهم جداً يا شباب .. ما ينفعش نخسرهم   الخميس 25 نوفمبر 2010, 8:10 pm

سلام عليكم

أنا كان عندي ملاحظة مهمة من وجهة نظري وحبيت أوضحها

عشان لو نقدر نحلها يكون كويس

دلوقتي في نهاية الوورك شوب السنة اللي فاتت تم توزيع استقصاءات على الناس اللي كانوا بيتدربوا

كان من ضمن الأسئلة فيها سؤال عن رغبته في إنه يشارك معانا في التدريب السنة الجاية

طبعاً كان مفترض إن الناس اللي قالت في الاستقصاءات دي عاوزين نبقى معاكم

يتم دعوتهم للاجتماعات التحضيرية للدورة الجديدة

لكن اللي حصل إن تم الاعتماد على الاستقصاءات اللي اتوزعت في الحفلة بتاع تسليم الشهادات الأخيرة

ودي استقصاءات مع احترامي الشديد ليها .. ناقصها حاجات كتير جداً

لإن مش كل الناس اللي حضرت الوورك شوبرحضرت الحفلة - بل أكاد أقول إن عدد كبير قوي غاب عن الحفلة

ومش كل من حضر الحفلة ملا استقصاء

ومش كل من ملا استقصاء اداهولنا

يعني بمعنى آخر .. كان الاستقصاء إلى حد ما عشوائي وما غطاش ناس كتير جداً

بعكس الاستقصاءات اللي كانت في آخر الوورك شوب .. اللي كل الناس جاوبت عليها وكانت إلى حد ما أكثر واقعية

لإنها كانت في قلب الحدث

كان مفروض نشوف الاستقصاء بتاع الحفلة والاستقصاء بتاع الوورك شوب

ونجمع كل الناس

لكن ما يصحش إننا نخسر الناس اللي قالت في الوورك شوب عاوزين نبقى معاكم

بل على العكس كان مفروض يكون لهم الأولوية في الدعوة

أنا كلمت خالد وقالي إن المشكلة إن معاهوش نتايج الاستقصاءات بتاع الوورك شوب

ودي مشكلة أعتقد إن حلها بسيط

لكن في النهاية لازم نحاول نحلها خلال اليومين دول

ونتدارك الديفيكت ده

ونجيب الجروب اللي ما زال على استعداد للمشاركة ولو هنبدأ معاهم من الأول خالص

مش مشكلة

إذن الخلاصة

الترينرز الجداد .. أهلاً بيكم معانا

التيم القديم .. عاوزين نعرف نتايج استقصاءات الوورك شوب مع مين

ونشوف الناس اللي قالت إنها عاوزة تشارك معانا ونحاول نكلمهم ونبدأ معاهم تاني من جديد

صح ولا أنا بتكلم غلط؟؟؟
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: مهم جداً يا شباب .. ما ينفعش نخسرهم   الخميس 25 نوفمبر 2010, 8:15 pm

وبالمناسبة محدش يقول

إن عندنا اكتفاء ذاتي من المدربين

على العكس .. في ديفيكت .. وخايف إنه يتحول لديفيكت كبير

عشان المفتروض إن لو الدورة ناجحة - وأتصور إن الحمد لله ده اللي حصل

إن يكون عدد المتدربين في كل سنة أكتر من اللي قبلها

وبالتالي .. هيكون العدد أكبر

ولو حطينا في الاعتبار انسحاب بعض الترينرز القدام .. يبقى محتاجين ناس جديدة تشيل الراية

ناس تكون لسه في قمة حماستها

ومستعدة تدي

وفي نفس الوقت يتابعوا الموضوع من بعدنا

احنا خلاص .. فاضلنا ايام معدودة في الكلية ..

Very Happy
الرجوع الى أعلى الصفحة اذهب الى الأسفل
http://www.mohamedalaa.info
عبدالله الأشموني

avatar

عدد الرسائل : 199
العمر : 27
الفرقة : التانية
تاريخ التسجيل : 04/01/2009

مُساهمةموضوع: رد: مهم جداً يا شباب .. ما ينفعش نخسرهم   الخميس 25 نوفمبر 2010, 11:39 pm

أيون أنا متفق أكيد

وياريت ميكونش كدا بنظلم الترينرز الجداد اللي لسه بتتشرحلهم الدورة

لأول مرة لأنهم محضروش قبل كدا
-----

بس يا دوك محمد ممكن تنزل من

الترينر القدام ويبقى كدا اتدبست Very Happy:D

أحم أحم

--------

بالنسبة للدعايا الورقية هعملها انا ان شاء الله

ربع A4
وورقتين A3 كدا كبيرة

كان فيه بانر السنة اللي فاتت كان متعلق وأتشال
هاه فين؟

بالنسبة للتصمصيمات عمر أبو شادي

السنة اللي فاتت كانت وسيلة للدعايا
نتايج الأستفتاء عندنا الأستقصاء عندكو
Very Happy
عاوزينه صحيح يا ريت
الرجوع الى أعلى الصفحة اذهب الى الأسفل
Aya abdel_rahman

avatar

عدد الرسائل : 18
العمر : 28
الفرقة : الثالثة
تاريخ التسجيل : 13/02/2010

مُساهمةموضوع: رد: مهم جداً يا شباب .. ما ينفعش نخسرهم   الجمعة 26 نوفمبر 2010, 12:25 am

متقلقش يا دكتور من الناحية دى خالص
الحمد لله النهاردة كان عدد الترينرز فعلا كبير ما شاء الله
يعنى فى حوالى 8 بنات اخدوا النهاردة جزء من الاكتيفاشن
وفى كمان 6 بنات بنديهم الدورة عشان نأهلهم يبقوا ترينرز ودول متحمسين جدا
غير بيتهيألى حوالى 3 او4 دكاترة من الولاد
يعنى بإذن الله العدد كافى وبزيادةا
الرجوع الى أعلى الصفحة اذهب الى الأسفل
عبدالله الأشموني

avatar

عدد الرسائل : 199
العمر : 27
الفرقة : التانية
تاريخ التسجيل : 04/01/2009

مُساهمةموضوع: رد: مهم جداً يا شباب .. ما ينفعش نخسرهم   الجمعة 26 نوفمبر 2010, 12:56 pm

عن رأيي تمام
4 ترابيزات كدا تمام ان شاء الله
وتبقى أكتر من 4 بإذن الله بالجداد
-----
وكان صحيح في أول دورة خالص من سنتين
كان اللي شرحلنا كله دكتر هشام أساسي ودك عمر عاطف كان كوترينر
يعني مش مفروض أنهم يشرحو أساسي

(عذراً لردي بس أنا رديت علشان كنت علقت في الأول)

بالتوفيق
الرجوع الى أعلى الصفحة اذهب الى الأسفل
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: مهم جداً يا شباب .. ما ينفعش نخسرهم   الجمعة 26 نوفمبر 2010, 2:38 pm

Aya abdel_rahman كتب:
متقلقش يا دكتور من الناحية دى خالص
الحمد لله النهاردة كان عدد الترينرز فعلا كبير ما شاء الله
يعنى فى حوالى 8 بنات اخدوا النهاردة جزء من الاكتيفاشن
وفى كمان 6 بنات بنديهم الدورة عشان نأهلهم يبقوا ترينرز ودول متحمسين جدا
غير بيتهيألى حوالى 3 او4 دكاترة من الولاد
يعنى بإذن الله العدد كافى وبزيادةا



النقطة اللي بعلق عليها مش إن الترينرز عددهم قليل

أنا بعلق على إن في ناس قالت عاوزين نبقى معاكم

وسيبناهم وده كلام مش صح من وجهة نظري

وبالنسبة لنقطة العدد فيها مشكلة عندنا

لإن عدد الترينرز الجداد
2 بس

والترينرز القدام معظمهم شكلهم هينسحبوا
أو مش هيكملوا

يعني تقريباً الإجمالي هيصفى على 3 أو 4 بس

ودي مشكلة لو حطينا في الاعتبار زيادة العدد
الرجوع الى أعلى الصفحة اذهب الى الأسفل
http://www.mohamedalaa.info
RANIA

avatar

عدد الرسائل : 12
العمر : 28
الفرقة : الرابعة
تاريخ التسجيل : 13/01/2010

مُساهمةموضوع: رد: مهم جداً يا شباب .. ما ينفعش نخسرهم   الجمعة 26 نوفمبر 2010, 3:24 pm

طيب يا دكتور حضرتك شايف احنا ممكن نعمل ايه عشان نوصل للناس دي

ونتايج الاستقصاءات دي مش متوفرة معانا ؟؟؟
الرجوع الى أعلى الصفحة اذهب الى الأسفل
Khaled El-leithy

avatar

عدد الرسائل : 142
العمر : 28
الفرقة : الرابعة
تاريخ التسجيل : 18/12/2009

مُساهمةموضوع: رد: مهم جداً يا شباب .. ما ينفعش نخسرهم   الجمعة 26 نوفمبر 2010, 8:38 pm

سلام عليكم

عدد المدربين الجداد اللي جم فعليا..الاكتيفاشن

8 بالظبط و دول خدوا الدورة قبل كده
3 ولاد من سنة تالتة
و 5 بنات من سنة 4

الي جانب 3 بنات كمان..مجاوش الاكتيفلشن علشان الميعاد مش مناسبهم
د. سلمي هتديهم الاكتيفاشن يوم الاتنين الجاي ان شاء الله لوحدهم

الي جانب..6 بنات من سنة تالتة مخدوش الدورة بس بيحضروا الاكتيفاشن معانا
و متحمسين جدا و هيبقوا اساسيين لما ياخدوا الدورة الجديدة

-----

بالنسبة للناس اللي خدت الدورة السنة اللي فاتت

كلهم اتبلغوا انهم لو عايزين يبقوا مدربين انهم يجوا الميتنج و الاكتيفاشن
اتبلغوا عن طريق الكلام البيرسونال او عن طريق الرسايل اتبععتلهم حسب نتايج الاستطلاع
ما عدا 41 فرد
من 41 دول..12 واحد في ستة دلوقتي بيمتحن
15 واحد في خمسة و ستة جديد..يعني هم اصلا مش فاضيين و خلاص هيمشوا من الكلية


و ع العموم لو نقدر نجيب اورق الاستطلاعات اللي اتوزع في الوورك شوب
و نبلغ الناس دي لو عايزين نبلغهم مفيش مشكلة

بس هو الورق فين؟







الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: مهم جداً يا شباب .. ما ينفعش نخسرهم   السبت 27 نوفمبر 2010, 1:35 am

كلام د محمد علاء سليم جدا

وباين هدفه من العنوان - انه مينفعش نخسر الناس اللي قالت انها عاوزة تشتغل لو فعلا لسة عاوزين

و ف نفس الوقت كلام د خالد جميل ومبشر

انما ف كل الاحوال - طالما فيه فرصة لزيادة العدد منسبهاش لاننا مش ضامنين اي ظروف

وزيادة عدد المدربين معناه انتشار الفكرة بشكل اكبر كمفهوم عام بغض النظر عن دورتنا الصغيرة

عموما - الورق عندي ياجماعة

ومعلش انا مش بنزل اليومين دول شبين

بس هتصرف وابعتهولكوا مع حد من جيراني الاسبوع دا وغالبا هيوصل لسلمى ان شاء الله

بالتوفيق
الرجوع الى أعلى الصفحة اذهب الى الأسفل
Aya abdel_rahman

avatar

عدد الرسائل : 18
العمر : 28
الفرقة : الثالثة
تاريخ التسجيل : 13/02/2010

مُساهمةموضوع: رد: مهم جداً يا شباب .. ما ينفعش نخسرهم   السبت 27 نوفمبر 2010, 11:13 pm

ماشى يا منار
مه أنا بتكلم فى ان الناس اللى جم دول كانوا هما هما اللى كانوا كاتبين انهم عايزين يدخلوا الدورة ويشاركوا فيها
بس احنا حاولنا نجيبهم كدة يعنى من الذاكرة..نعرف كان مين عايز يبقى معانا ترينر
وال6 بنات اللى جم دول سنة تالتة وكانوا كاتبين فى الورق اللى اتوزع فى حفل تكريم الدفعة اللى فاتت انهم عايزين يبقوا ترينرز
ومكانوش يعرفوا انهم لازم يبقوا واخدين الدورة الأول عشان يبقوا ترينرز ..وعلى الأساس ده احنا برده مسبناهومش وبندربهم معانا استغلالا لحماسهم ده
فأحنا مش سايبينهم خالص...كل الحكاية ان الورق بس مش فى ايدينا عشان نعرف مين كان كاتب ..بس الى حد كبير وصلنا لعدد لا بأس به الحمد لله
الرجوع الى أعلى الصفحة اذهب الى الأسفل
عبدالله الأشموني

avatar

عدد الرسائل : 199
العمر : 27
الفرقة : التانية
تاريخ التسجيل : 04/01/2009

مُساهمةموضوع: رد: مهم جداً يا شباب .. ما ينفعش نخسرهم   الأحد 28 نوفمبر 2010, 12:33 am

البنات الجداد ميتخافش عليهم
دول بنات آبكس ع فكرة

بالتوفيق
الرجوع الى أعلى الصفحة اذهب الى الأسفل
SaLmA

avatar

عدد الرسائل : 37
تاريخ التسجيل : 31/12/2009

مُساهمةموضوع: رد: مهم جداً يا شباب .. ما ينفعش نخسرهم   الثلاثاء 30 نوفمبر 2010, 1:03 am

د محمد عندك حق ف كل الكلام
فعلا دي غلطة مننا ماينفعش ناس تقول عايزين نبقى معاكم ونخسرهم
حتى نهتم بيهم ونبلغهم ببداية الاستعداد والمهتم فيهم هيجي ويكمل
كويس ان حضرتك نبهتنا

المهم ان معايا دلوقتي الاستفتاءات هجيبهم معايا بكرة ان شاء الله
ونشوف مين كان عايز يكون معانا ومابلغناهوش
الرجوع الى أعلى الصفحة اذهب الى الأسفل
Khaled El-leithy

avatar

عدد الرسائل : 142
العمر : 28
الفرقة : الرابعة
تاريخ التسجيل : 18/12/2009

مُساهمةموضوع: رد: مهم جداً يا شباب .. ما ينفعش نخسرهم   الثلاثاء 30 نوفمبر 2010, 9:51 pm

سلام عليكم..

انا الورق وصلي النهاردة..

بس للاسف الغالبية العظمى من الورق مش مكتوب عليه الاسامي..

و محصلة الورق واحد بس اللي مش اتبلغ بالأكتيفاشن..

فانا هاتصل بيه و اشوف عنده استعداد ولا ايه..

و لو مستعد هاقعد معاه قعدة عرب كده اديله الاكتيفاشن فيهها في مرة واحدة علشان يحصلنا



الرجوع الى أعلى الصفحة اذهب الى الأسفل
 
مهم جداً يا شباب .. ما ينفعش نخسرهم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MNFMED QAAP Forum :: اللجنة الطلابية :: دورة اساسيات البحث العلمي :: دورة اساسيات البحث العلمي 2010-
انتقل الى: