| الهيلبر تيم..نبدأ من جديد | |
|
|
|
كاتب الموضوع | رسالة |
---|
helperteam
عدد الرسائل : 16 تاريخ التسجيل : 09/08/2010
| موضوع: الهيلبر تيم..نبدأ من جديد الإثنين 13 سبتمبر 2010, 12:41 am | |
| السلام عليكم ورحمة الله وبركاتة.............
]كل سنة وانتم طيبين يا دكاترة المستقبل............. طبعا العنوان باين اننا ان شاء الله هنتكلم عن الهيلبر تيم....... ]اختصار للوقت .....وعلشان نعوض تاخير عرض الموضوع عليكم عاوزين نتناقش فى عدة نقاط حاليا ....والنقاط دى قابلة للتعديل بالطبع علشان النية لله عاوزين نبدا فى اقرب وقت باذن الله ....علشان نحاول نعمل كورس مبدأى كدا تعريفى لكل فرقة نعرفها بمواد السنة وتقسيمة الدرجات وبعض النصائح والمواقف اللى ممكن تقابلهم وازاى يتخطوها...مع شرح بسيط لكل مادة علشان نفتح لهم المواد ونسهلها عليهم من الاول
دى شوية اسئلة فى دماغى مفروض نتناقش فيها
أولا: ما هو مشروع helper team وما هي أهدافه
ثانيا: مما يتكون المشروع؟
]ثالثا: من يستطيع القيام بذلك؟
رابعا: ما هي الخطة الزمنية للمشروع؟
خامسا: ما هي الإمكانيات المتاحة الآن ؟ ]سادسا: ماذا نأمل تحقيقه مستقبلا؟ | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| |
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد الإثنين 13 سبتمبر 2010, 5:52 pm | |
| بصى يا دكتورة هو الفكرة المبداية اللى فى دماغى ان الهيلبر مش هيبقى للدفعة الجديدة وبس هيبقى لكل الدفعات اللى محتاجة اى مساعدة فى الكلية ..المساعدة دى طبعا معظمها عن المواد الدراسية ....وانا نفسى نضيف لها جانب اخوى كمان .....وهو دورات او محاضرات مثلا ايام الامتحان ازاى تحل وتجاوب شفوى ونظرى ازاى تستعد للامتحان.....ازاى تحارب القلق والاحباط وهكذا اظن اننا فى وقت كدا بيجى علينا ان مجرد تشجيع من اى حد ولو بكلمة بيدينا دافع لقدام.......فياريت يبقى الموضوع دا نقدر نعمله ان شاء الله مبدائيا كدا الهيلبر ان شاء الله نأمل انة يتكون من 3 فريق الاول فريق المسؤل عن الشرح....زودا مكون من جزءين طلبة عندهم قدرة للشرح .ودول هيشرحوا الموضوعات اللى يقدروا يشرحوها وتعتبر مش معقدة اوى والجزء التانى دكاترة من الكلية معيدين مثلا او كدا دول هيشرحوا الحجات الصعبة اللى معظم الناس عاوزاها زى ما د ايمان سرى ف سنة 2 شرحت لنا اجزاء فى البايو جزاها الله كل خير
الفريق الثانى..فريق الدعايا للمشروع وامسؤل كمان عن معرفة احتياجات الطلبة فى جميع الفرق ويعرف هما عاوزين شرح اية بالظبط التنسيق مع الدكاترة وتنسيق المكان والادوات الفريق الثالث..المخططات والملخصات ودا هيجمع من الناس اللى بتعرف تلخص او تعمل اسكيمات او رسومات عندة معرفة بفيدوهات توضيحية للطلبة وكدا هنجمعهم فى مذكرات منسقة بشكل جميل بعد عرضها على الدكاترة للتاكد من صحة المعلومات مية فى المية لان دى امانة طبعا
دا التخيل المبداى بالنسبة لى محتاجة راءيكم وتعديلاتكم ومشاركتكم لو تعرفوا ناس مستعدية تشتغل معانا | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| موضوع: رد: الهيلبر تيم..نبدأ من جديد الإثنين 13 سبتمبر 2010, 11:56 pm | |
| - اقتباس :
- الاول فريق المسؤل عن الشرح....زودا مكون من جزءين طلبة عندهم قدرة للشرح .ودول هيشرحوا الموضوعات اللى يقدروا يشرحوها وتعتبر مش معقدة اوى
النقطة دى ... محتاجة فعلا فريق ... حاولى تنشرى الفكرة بينا وبين زمايلنا حاجة personal عشان تجمعى فريق كبير ... - اقتباس :
- والجزء التانى دكاترة من الكلية معيدين مثلا او كدا دول هيشرحوا الحجات الصعبة اللى معظم الناس عاوزاها
زى ما د ايمان سرى ف سنة 2 شرحت لنا اجزاء فى البايو جزاها الله كل خير
النقطة دى فكرة رائعة بجد ... فى دكاترة ممكن تساعد برده دكتورة ريهام برده بتاعه البايو ... د-ايمان سرى شخصية لوحدها المفروض نجمع فى كل الاقسام دكتور ... هتبقى جميلة جدا ... - اقتباس :
- الفريق الثالث..المخططات والملخصات
النقطة دى ... اكيد الـ هيساعدك فيها دكتور عمر ابو شادى ... لانه بيعمل شغل فى النقطة دى ... هتبقى جميلة جدا لو تنسقوا معاه ... ربنا معاكوا .. ولو فى مساعدة ... موجودين باذن الله ... | |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الهيلبر تيم..نبدأ من جديد الثلاثاء 14 سبتمبر 2010, 4:59 am | |
| تمام ياريت باقي الناس تقول رأيها عشان بعد كده الموضوع ده هيبقي بفلوس ، بس الناس اللي هتبقي Active معانا ، ممكن نعمل لهم discount ولا حاجة | |
|
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد الثلاثاء 14 سبتمبر 2010, 6:04 pm | |
| طيب دلوقت حنا مطالبين بنشر الفكرة بينا كطلبة من جميع الفرق وثانيا مين هيشترك ف باقى التنسيقات انا هبعت لدكتور عمر يتواصل معانا هنا
بس مش عارف المنتدى هنا نايم لية؟؟؟؟؟؟ | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| موضوع: رد: الهيلبر تيم..نبدأ من جديد الثلاثاء 14 سبتمبر 2010, 6:27 pm | |
| - اقتباس :
- بس مش عارف المنتدى هنا نايم لية؟؟؟؟؟؟
هو مش نايم ... بس الاعضاء الموجودة بسيطة ... وكل واحد بس هتلاقيه مشغول شويه ... حضرتك شوفى المطلوب مننا واحنا هنفذه ... بالنسبة - اقتباس :
- طيب دلوقت حنا مطالبين بنشر الفكرة بينا كطلبة من جميع الفرق
دى سهلة بينا وبين بعضنا ... ان شاء الله ننشرها ... ************************** ******************* وهو ليه متعملوش موضوع يكون جذاب باسلوب كويس على المنتدى ... كلية اون لين وسيد احباط يدخل يحبطكوا ... ... وتكون اسلوب دعايا زى بتاع زمان ... " بس يكون موضوع مُحكم صح " ... هتلاقوا ناس على المنتدى كتير هتشارك باذن الله | |
|
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد الثلاثاء 14 سبتمبر 2010, 6:37 pm | |
| اوك مافيش مشكلة .....انا كنت اتكلم مع د ابو عياد ف الافكرة دى بس قال لما احنا الاول ننسق الموضوع هنا بينا على العموم ياريت د ابو عياد يقول راءية ننزل بالموضوع على كلية اون لاين دلوقت ولا لسة شوية ولو هننزل بموضوع ننزلة فين واية النقط اللى تحبوا تظهروها اكتر وعاوزين اسلوب العرض ازاى انا بعت اللينك لشوية اعضاء هنا ع المنتدى ع الخاص وبالنسبة ل د عمر مش عارفة اوصلة فممكن د ابو عياد يبلغة | |
|
| |
عبدالله الأشموني
عدد الرسائل : 199 العمر : 32 الفرقة : التانية تاريخ التسجيل : 04/01/2009
| موضوع: رد: الهيلبر تيم..نبدأ من جديد الثلاثاء 14 سبتمبر 2010, 9:31 pm | |
| أمممممم أحنا الفرقة التالتة ان شاء الله فيه فكرة صغيرة كدا
شرح نقط معينة ما بينا كطلبة ان شاء الله في الساعات الفارغة بين المحاضرات للأنشطة الطلابية بالأضافة أننا ممكن نوفر كتابة المحاضرات مننا أحنا يكون في المكتبات يفيد اللي مبيحضرش بالأضافة لتسجيل المحاضرات كسنة أولى وسنة تانية
أكيد مفيش تعارض والفائدة والنية واحدة بس المشروع يكمل في الجودة الطلابية وبعديها نندمج معاكم في الكيان دا ان شاء الله
ومعانا فريق كويس وكله بيفضل المساعدة والنشاط بالتوفيق | |
|
| |
محمد سمير
عدد الرسائل : 37 العمر : 33 الفرقة : الثالثة تاريخ التسجيل : 23/07/2010
| موضوع: رد: الهيلبر تيم..نبدأ من جديد الخميس 16 سبتمبر 2010, 5:43 am | |
| السلام عليكم الفكرة جميلة يا دكتورة بس متهيألى طرحها جه متأخر شويتين :d لكن ملحوقة ان شاء الله وكله خير ----------------------------------------- كنت مرة فى معمل المهارات مع د.هيثم خليفة وكانت هناك دكتورة من اولى متحمسة قوى للشغل وعايزة تعمل اى حاجة وتساعد المهم كانت بتتكلم فى حاجة زى كدة برضو (هيلبر تيم) لكن اللى يشرح دكاترة من الكلية ومكنش فى كلام على انه يشرح طلاب وكانت عايزة تمشى الموضوع رسمى من قبل الكلية بس بشكل بسيط شوية يعنى لجنة الجودة هية اللى تتفق مع الدكاترة اللى تشرح وكدة زى ما بيحصل فى القصر العينى والكليات النانية المحترمة ما علينا من كل ده أخر ما توصل اليه الأمر ان د.هيثم نادالى وقاللى اقعد معانا اسمع كدة وشوف المهم انى خرجت بعد حوالى ساعة كدة ونا متفق مع الدكتورة انى شغال معاها فى الموضوع ده على أساس اننا نكتب ورقة متظبطة كدة ونطلعها لدكتورة ولاء وان شاء الله ان اقتنعت بيها يبقى على بركة الله تطلع للعميد وتمشى فى اطار رسمى ولما طلعنا لد.ولاء قالتلنا تمام كلام جميل ظبطو ورقة وهاتوها واحنا موجودين واتلكمت ان فى فعلا شغل قائم فى الموضوع ده وله فكرة قديمة فى اللجنة اسمه مشروع "دعم الطلبة المتعسرين" وان فى فعلا دكاترة من كل قسم منتدبين من اللجنة عشان يكونو قريبين من الطلاب وكدة ويشوفو احتياجاتهم ويعرفو ناقصهم ايه وان شاء الله كانو همة دول الدكاترة اللى ناويين عليهم يشرحو فى المشروع ده اختصارا وتلخيصا قالتلنا ان الفكرة لها أساس قائم من فترة وكانو فعلا ناويين يشغلوه من السنة الجديدة باذن الله لكن برضو ممانعتش ان يكون فى جزء متاح لينا نشارك فيه فى الموضوع ده وقالت هاتو الورقة برضو بعد ما ترتبو أفكاركم حاليا أنا كنت مكلف انى اخلص الورقة دى بعد ما جمعت شوية أفكار ورأى ناس من اصحابنا وبرضو الدكتورة نفس الكلام وبعدين جمعنا اللى وصلناله طول الأجازة وحاليا كنت بدأت الورقة من الأسبوع اللى فات لكنى لسة م أجهزتش عليها عشان مكنتش فاضى للدرجة اللى تسمح أركز وأفبرك صيغة كاملة لكنها واقفة على نصها تقريبا والنص التانى كنت ناوى أكمله انبارح =========================================== أكيييييييد طبعا زى ما عبد الله قال ان الهدف واحد والنية واحدة ان شاء الله ومفييييش اى وجه تعارض باذن الله بس اللى فوق ده كان حاجة حسيت انها تفيد فى الموضوع ان حضرتك فقط تكونى ملمة بكل اللى ماشى فى نفس المجال عشان منتلخبطش فى بعض :d وكذلك برضو عمر عنده كلام فى فكرة الملخصات اللى حضرتك ذكرتيها فوق وممكن يفيد بالمطلوب ان شاء الله عن رأيى ان عرفنا نوحد كلامنا ومجهودنا يبقى أفضل بكتير بس محتاجة قعدة اتفاق عشان نعرف ننظم البداية منين أتمنى أكون اوجزت وموجعتش راسكم :d السلام عليكم | |
|
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد الخميس 16 سبتمبر 2010, 4:57 pm | |
| هى فعلا اتاخرت معلش بجد اكيد كل واحد عندة ظروف بس المهم نبدا بسرعة
| |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الهيلبر تيم..نبدأ من جديد الجمعة 17 سبتمبر 2010, 3:20 am | |
| جميل جدا يا محمد بص هو الفكره دي موجودة بالفعل من زمان ، واتنفذت قبل كده لكن بسبب ظروف ما فقدت عنصر الاستمرارية واحنا الحمد لله شوفنا التجربه دي بعنينا ، يمكن لحقنا شوية من اللكلام ده وقورة بقي اكيد هيفيد أكتر واكتر في الموضوع ده بس هو يخلص ويظبطنا باذن الله فأهم حاجة ان احنا منكررش أخطاء الماضي ونتعلم منها فاحنا باذن الله لما نحدد ميعاد تبقي تبلغ الدكتورة اللي معاك وأي حد عاوز يشترك ونتفق ونبدأ علي طول باذن الله وطالما الهدف واحد يبقي اكيد الدايره هتوسع باذن الله .. | |
|
| |
محمد سمير
عدد الرسائل : 37 العمر : 33 الفرقة : الثالثة تاريخ التسجيل : 23/07/2010
| موضوع: رد: الهيلبر تيم..نبدأ من جديد الجمعة 17 سبتمبر 2010, 5:08 am | |
| | |
|
| |
عبدالله الأشموني
عدد الرسائل : 199 العمر : 32 الفرقة : التانية تاريخ التسجيل : 04/01/2009
| موضوع: رد: الهيلبر تيم..نبدأ من جديد الجمعة 17 سبتمبر 2010, 2:53 pm | |
| يااااااااه يااااااارب دا أحنا مستنيين دك قورة بقالنا كدا دخلنا في السنة التالتة :D بس مين صاحب هذا الأكونت؟؟ غريبة يعني وبعدين ان شاء الله أبدا الفكرة دي في أسرتي وبعديها نخش في الغطاء الواقي مع قورة ان شاء الله | |
|
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد السبت 18 سبتمبر 2010, 1:17 pm | |
| على فكرة اعتقد ان الهيلبر مش هيبقى تابع لاسرة معينة هوهيبقى مشروع مستقل بذاتة ولو فى حد من الدكاترة مثلا هيشرح حاجة مبدأية مع الطلبة عقبال ما المشروع ياخد مجراه يبقى كويس ولو ينفع يبلغنا علشان لو مثلا حد عاوز نفس الشرح نوصله للدكتور اللى هيشرح علشان مثلا لو فى دكتور هيشرح نفس الشرح فى نفس المادة هيبقى كدا تضيع وقت والاحسن مثلا يبقى دكتور فلان متمكن من الجزء كذا فيشرح للعدد المطلوب والدكتور الاخر هيشرح جزئية تانية وهكذا
على العموم انا احب ابلغ ان باذن الله هيبقى فى شرح سنة رابعة مقدمة الانف والاذن والطب الشرعى والرمد لو حد حابب يحضر الشرح مافيش مشكلة هو بنات بس مش مشكلة لو فى ولاد يا اما ندخلهم فى نفس المجموعة يا اما الافضل نجيب لهم دكتور ولد علشان يبقوا مرتاحين اكتر ولو مافيش حد من الولاد مستعد للشرح حاليا هنتصرف لهم ان شاء الله علشان ما نبقاش متحيزين لحد احنا هنجمع العدد ونظبط المعاد ودى هتبقى شرح ودى كدا ما بينا عقبال ما نظبط الاماكن والمشروع ........... | |
|
| |
عبدالله الأشموني
عدد الرسائل : 199 العمر : 32 الفرقة : التانية تاريخ التسجيل : 04/01/2009
| موضوع: رد: الهيلبر تيم..نبدأ من جديد السبت 18 سبتمبر 2010, 2:31 pm | |
| تمام يا دوكتر
سبق أني قلت ع ما المشروع يبقى ليه كيان في الجودة إن شاء الله تمام؟؟ وأول ما هيبدأ في الجودة فأكيد دوكتر قورة هيعمل نظام لدخول هلابر تيم الكلية كلها فـ الجودة -------- أحنا طلبة مننا لبعض فيه في المدرج ناس بتفحت قصدي بتذاكر بسم الله ما شاء الله وعندهم موهبة الشرح...... أن شاء الله الفكرة تمشي
بالتوفيق | |
|
| |
عبدالله الأشموني
عدد الرسائل : 199 العمر : 32 الفرقة : التانية تاريخ التسجيل : 04/01/2009
| موضوع: رد: الهيلبر تيم..نبدأ من جديد السبت 18 سبتمبر 2010, 2:40 pm | |
| أممممم
وأي مساعدة يا دوكتر مفيش مشاكل ولو حضرتك تبدأي المشروع والكيان دا في الجودة
يبقى تمام برده وهتلاقي اللي يساعد حضرتك | |
|
| |
محمد سمير
عدد الرسائل : 37 العمر : 33 الفرقة : الثالثة تاريخ التسجيل : 23/07/2010
| موضوع: رد: الهيلبر تيم..نبدأ من جديد السبت 18 سبتمبر 2010, 11:11 pm | |
| - helperteam كتب:
على العموم انا احب ابلغ ان باذن الله هيبقى فى شرح سنة رابعة مقدمة الانف والاذن والطب الشرعى والرمد لو حد حابب يحضر الشرح مافيش مشكلة . مممم | |
|
| |
MaNaL
عدد الرسائل : 646 العمر : 34 الفرقة : السادسة والمصير المجهول تاريخ التسجيل : 23/11/2007
| موضوع: رد: الهيلبر تيم..نبدأ من جديد الأحد 19 سبتمبر 2010, 6:04 pm | |
| helperteam كتب: على العموم انا احب ابلغ ان باذن الله هيبقى فى شرح سنة رابعة مقدمة الانف والاذن والطب الشرعى والرمد لو حد حابب يحضر الشرح مافيش مشكلة . - اقتباس :
انا ممكن اشرح توكسو ... | |
|
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الهيلبر تيم..نبدأ من جديد الإثنين 20 سبتمبر 2010, 9:58 pm | |
| - helperteam كتب:
- على فكرة اعتقد ان الهيلبر مش هيبقى تابع لاسرة معينة هوهيبقى مشروع مستقل بذاتة
ولو فى حد من الدكاترة مثلا هيشرح حاجة مبدأية مع الطلبة عقبال ما المشروع ياخد مجراه يبقى كويس ولو ينفع يبلغنا علشان لو مثلا حد عاوز نفس الشرح نوصله للدكتور اللى هيشرح علشان مثلا لو فى دكتور هيشرح نفس الشرح فى نفس المادة هيبقى كدا تضيع وقت والاحسن مثلا يبقى دكتور فلان متمكن من الجزء كذا فيشرح للعدد المطلوب والدكتور الاخر هيشرح جزئية تانية وهكذا
على العموم انا احب ابلغ ان باذن الله هيبقى فى شرح سنة رابعة مقدمة الانف والاذن والطب الشرعى والرمد لو حد حابب يحضر الشرح مافيش مشكلة هو بنات بس مش مشكلة لو فى ولاد يا اما ندخلهم فى نفس المجموعة يا اما الافضل نجيب لهم دكتور ولد علشان يبقوا مرتاحين اكتر ولو مافيش حد من الولاد مستعد للشرح حاليا هنتصرف لهم ان شاء الله علشان ما نبقاش متحيزين لحد احنا هنجمع العدد ونظبط المعاد ودى هتبقى شرح ودى كدا ما بينا عقبال ما نظبط الاماكن والمشروع ........... طيب تمام جدا ..لو محتاجين مكان بلغوني بالمعاد قبلها بس وانا اوفر لكم مكان .. | |
|
| |
helperteam
عدد الرسائل : 16 تاريخ التسجيل : 09/08/2010
| |
| |
أحمد أبوعياد
عدد الرسائل : 689 العمر : 34 الفرقة : 6th class تاريخ التسجيل : 20/11/2007
| موضوع: رد: الهيلبر تيم..نبدأ من جديد الأربعاء 22 سبتمبر 2010, 10:29 pm | |
| حددوا اليوم وبلغوني قبلها بيوم او اتنين ومفيش مشكله باذن الله بس لو الصبح كده هيبقي المكان صعب شوية والحضور أصعب " بالنسبه لي علي وجه التحديد " | |
|
| |
محمد سمير
عدد الرسائل : 37 العمر : 33 الفرقة : الثالثة تاريخ التسجيل : 23/07/2010
| موضوع: رد: الهيلبر تيم..نبدأ من جديد الخميس 23 سبتمبر 2010, 5:23 pm | |
| السلام عليكم مممم طب نبدأ كدة بالخطوة الاولى قبل ما نجمع الناس اللى لها القدرة على الشرح والكلام ده هوة فى ناس منهم من النوع اللى بيستبعد الناشاط الدراسى وكدة (جو الاجتماعات وانه يكون فى مسؤولية فى الدراسة غير المذاكرة) فدى ممكن تكون نقطقة حسم بالنسبالنا ربنا يستر من رايى اننا نجمع أبعاد الهيلبر تيم الاول يعنى الناس اللى بدأت فعلا ومشيت فى الطريق قبلنا نستفيد منهم وناخد أكبر قدر من احتمالات التوقف والصعوبات اللى واجهتهم ونشوف حل ليها بعون الله دى فى تصورى أول خطوة مؤثرة والله اعلم
بعدها نبدأ نرشح مين يشرح....... وكام واحد ...... ونبدأ بكام دفعة(لسة فى بداية الطريق وعندنا علم مسبق اننا مش أول حد دخل المجال ده .... يبقى لازم نغير حاجة عن اللى كان قبلنا عشان نضمن الاسمرارية ..وربنا يقدرنا) ومن هنا نحاول نوفق بين الكلام ده ورأى دكتورة وفاء لأنها سبق وعرفت منها ان اللجنة كانت منوهة على دكاترة بس ومكنش فى أى دخل للطلاب فى الموضوع .... (يا رب توافق)
وطبعا نحرص على ان المرشحين يكونو ناس ثقات ان كان بينهم طلاب علشان حتى الدكتورة تكون معاها الضمان..... وتقدر تشوف موافقة العميد ان كان ممكن يمشى رسمى زى ما كنت بحاول مع الدكتورة اللى معايا من سنة اولى
واخيييرا نتفق مع المرشحين للشرح ونشوف الظروف اللى تناسبهم وكدة ونتكلم فى التفاصيل ثم نعلن فى المدرجات ----------------------------------- ههه شكلها بقت حاجة كبيرة شوية رأيكم ايه؟؟ وان كان على الاجتماع ممممم ممكن يوم السبت كويس (يا رب ألحق أذاكر حاجة) وان مأمكنش يبقى الاحد بس فى غير مواعيد المحاضرات والسكاشن بس دى حاجة صعبة شوية لان اليوم مليان كله الا نص ساعة من 1 الى 1.5 عشان الصلاة | |
|
| |
helperteam
عدد الرسائل : 16 تاريخ التسجيل : 09/08/2010
| موضوع: رد: الهيلبر تيم..نبدأ من جديد الجمعة 24 سبتمبر 2010, 9:41 am | |
| انا موافق حضرتك بخصوص اننا لازم نعرف مين اللى اشتغل قبلينا وكان خطتهم اية واية الصعوبات والا خطاء اللى وقعوا فيها علشان ما تتكررش
طيب ياريت حد يبلغهم بمشاركة هنا ولو لنص دقيقة بس علشان نتخطى النقطة دى وندخل على اللى بعدها | |
|
| |
محمد سمير
عدد الرسائل : 37 العمر : 33 الفرقة : الثالثة تاريخ التسجيل : 23/07/2010
| موضوع: رد: الهيلبر تيم..نبدأ من جديد الجمعة 24 سبتمبر 2010, 1:12 pm | |
| ممممم ممكن أحمد أبو عياد على ما اعتقد د.محمد قورةأول واحد فى الموضوع ده بس الصراحة معرفش كوناكت ليه | |
|
| |
| الهيلبر تيم..نبدأ من جديد | |
|