بعد التحيات والتماسى .. والتهانى ..بحلول شهر رمضان الكريم

ندخل على طول فى الموضوع...

عندنا نقطتين هنتكلم عنهم ..واللى موجودين فى العنوان

اولا: "النقطة"

عاوزين نحط النقطة لنهاية الدورة السابقة 2009\2010 -بأذن الله-

يعنى نوفى النقط الاتية:

1.**نعيد التواصل بين اعضاء الفريق المشاركين فى الدورة السابقة مرة اخرى..وضمان وصول كل الاخبار الجديدة لكل الاعضاء**

وهنا ..عاوزين الناس تبدأ ترجع تفكر تانى فى الدروة .. واحنا عاوزين منها ايه ..ونجدد نوايانا ..وهكذا


2.**تحديد كيفية ختام الدورة السابقة **

وال"كيفية" دى فى حاجتين :

أمتى ؟؟؟......نحدد معاد مناسب علشان حفل الختام وتوزيع الشهادات على المتدربين

أزاى؟؟....هنعلن عن مسابقة زى اول دورة ..ولا لا؟؟

ولو هنعمل ..هنوصل الموضوع للناس ازاى؟؟

والترتيب للموضوع كله !!!


(ثانيا ...فى الرد القادم)

ثانيا " اول السطر"


بعون من الله .. عاوزين نبدأ تحضير الدورة القادمة 2010\2011

ونعمل حاجة كويسة .. تشرفنا ..وتكمل مسيرة الدورة الرائعة منذ بدايتها..

وعلشان نعمل ده .. مش عاوزين نضيع وقت

ونحاول بقدر الامكان نمشى بتنظيم ..ونلتزم باللى نتفق عليه ..

الله المستعان ..

عندنا اكتر من نقطة لازم نتكلم فيها ان شاء الله

1. ** تحليل نتائج واستطلاعات الدورة السابقة .. **

وده علشان نتفادى اخطاءنا .. وكمان نستفيد من افكار واقتراحات الناس اللى حضرت .. وهم فعلا وضحوا حاجات كتير فى الاستطلاعات دى

2.** تحديد معاد تقريبى لبداية وانتهاء الدورة الجديدة**

وده هيبقى على اساس برضه اراء السنة اللى فاتت فى معاد الدورة..وطبعا على حسب الوقت المتاح لينا للتجهيز

3.**نحدد بعض الاشخاص الحاصلين على الدورة العام الماضى ..ليكونوا مدربين فى الدورة الجديدة .. والتواصل معاهم**

وده ممكن نعرفه من برضه نتايج الاستطلاعات .. ومين سجل انه حابب يشارك كمدرب...


4.** تحديد عنوان للدورة الجديدة ..واهدافها... والتعديل على محتواها العلمى **

وده محتاج كلام كتييييييييييير..ومناقشات .. لن تستوعبها صفحات النت..وده اللى هينقلنا للنقطة الاخيرة والاهم ..

5.** تحديد معاد لاجتماع طااااااااااااارئ لكل اعضاء الفريق -او اغلبيتهم- على حسب الظروف فى موعد اقصاه نهاية هذا الاسبوع **


اتمنى ..اتمنى..ان الناس تبدأ تفكر فى النقط دى .. تسجلهم عندهم فى ورقة صغيرة ..

ونتفق على معاد مناسب للغالبية .. نتناقش ان شاء الله فى الحاجات دى.. ونحط الخطوط العامة للشغل باذن الله

ونطلع افكار جديدة ..ان شاء الله

تم ..وبعت لكل الناس رسايل باللينك..

وربنا يسهل..

حاضر يا دكتور..

بس ياريت كل حد يدخل ..يكتب على الاقل المعاد المناسب بالنسباله للاجتماع

ياريت يا جماعة النقطة دى نتفق عليها بسرعة .. علشان اللى وراه حاجة تانية يرتبها برضه

طيب حضرتك مش مستوعب ايه بالظبط ؟؟ ...

طيب نثبت ..يوم الاربع الجاى الساعة 11 ان شاء الله

قولوا رأيكم ....

انا بعتذر مش هقدر احضر الاجتماع
مش هكون موجودة يوم الاربع

السلام عليكم...

اولا: لا تعليق على اللى حصل انهاردة ... بس الحقيقة انا متوقعتش الحضوررر الرهيييب ده كله..كان اجتماع هايل الصراحة

ثانيا: انا باعتذر عن عدم متابعتى معاكم االفترة القادمة لانى مسافرة بكرة ان شاء الله..

ثالثا: ربنا يوفقكم فى ترتيب موضوع المسابقة -لو اتفقتوا عليه-..وتحاولوا تفكروا فى باقى النقط .. وان شاء الله احاول اتابع مع البنات بالتليفون..

سلام عليكم

ربنا معاكوا باذن الله

ان شاء الله اجتماع مُوفق باذن الله

ان شاء الله هحاول احضر ... بس لما تستقروا على معياد ...