MNFMED QAAP Forum

منتدي لجنة الجودة بكلية طب المنوفية
 
البوابةالرئيسيةس .و .جالتسجيلدخول

شاطر | 
 

 بعد تعديل اللينكات .. أحمد شكري ... 2010

اذهب الى الأسفل 
كاتب الموضوعرسالة
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: بعد تعديل اللينكات .. أحمد شكري ... 2010   الجمعة 19 فبراير 2010, 1:09 am



السلام عليكم

د. محمد قورة كان طلب مني أشرح الفكرة اللي أنا اقترحت إضافتها في الدورة على المنتدى

نظراً لإني لما شرحتها قبل كده ما كانتش واضحة أكيد لإن كان ضروري الناس يكون قدامها الكلام، والنهاردة طبعاً شرحتها للشباب وبس

عموماً أنا هحاول أكون بسيط في الكلام

هو طبعاً عشان لو حد ما يعرفش احنا بنتكلم عن ايه

دلوقتي في مشكلة بتواجه ناس كتير جداً لما تيجي تشرحلهم مباشرة من سورسات علمية كبيرة زي جراي أو جرانت أو أو..الخ

فكان ربنا هداني لفكرة بسيطة ممكن توصل الكلام للي احنا عاوزين نقوله ببساطة شديدة بحيث المتلقي لو فهم الكلام ده نقدر ننقل معاه على الكلام الكبير ومش هيحس وقتها بفرق كبير

الكلام د. محمد كان بيقترح إنه يكون اختياري مع كل مدرب

يعني اللي عاوز يستخدمه مفيش مشكلة

واللي مش عاجبه برضه مفيش مشاكل

نبتدي

بسم الله

بعد إذنكم حملوا الملفين دول بس ما تقروهومش لحد ما أقولكم



عدل سابقا من قبل Mohamed Alaa في السبت 20 فبراير 2010, 11:19 pm عدل 2 مرات
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:24 am

الصفحة الأولى
الصفحة الثانية

أنا غيرت اللينكات وإن شاء الله تشتغل
آسف جداً على الخطأ ده
طبعاً كان مفروض الناس تشوف الملفات قبل الكلام .. معلش غلطة بسيطة


عدل سابقا من قبل Mohamed Alaa في السبت 20 فبراير 2010, 10:53 pm عدل 1 مرات
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:27 am



احنا لسبب أو لآخر دخل دكتور وطلب مننا نعمل بحث عن شخص اسمه Ahmed Shokry

البحث ده مكتوب بلسان أحمد شكري (هتفهوا قصدي ايه بعد شوية)

بدأنا الشغل

رحنا المكتبة لقينا كتاب كاتبه أحمد عن نفسه وجرنان (كبديل للجورنال العلمي) كاتب فيه أحمد

مقالة عن نفسه

كمان دخلنا على جوجل وكتبنا

Ahmed Shokry

طلعلنا موقعين اتنين بيتكلم فيهم أحمد عن نفسه

لحد دلوقتي احنا كل اللي عملناه إننا دورنا عن أحمد وجبنا 4 سورسات بيتكلم فيهم عن نفسه

أول خطوة ببساطة

إننا نجمع السورسات دي مع بعضها ونكتب تحت كل واحد أي معلومة نقدر نستخرجها من المصدر اللي جبنا منه بمعنى (اسم الكتاب – اسم المؤلف – اسم الناشر – انتشر فين – سنة كام – الطبعة الكام...الخ)

أي معلومة ممكن نطلعها عن المصدر اللي جبنا منه المعلومة نكتبها تحت النص ونفصل ما بينهم
بشرطة أو فاصلة أي حاجة –لسه هنكتبها بالطريقة الصح بعدين – لكن المطلوب دلوقتي مجرد استخراج المعلومات

طيب

لو فتحنا دلوقتي الصفحة الأولى اللي معاكم هنلاقي الأربع سورسات منقولين بالنص من غير أي تغيير ومكتوب تحت كل واحد السورس

لو سمحتم اقفلوا الملف تاني وخليكم معايا

الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:35 am



يا ريت لو حد يكون معاه الورق مطبوع وهو متابع معايا يكون أحسن أو خليكو متابعين ما بين ملف الأكروبات والإكسبلورر
----------------------------------
الخطوة التانية ابتدينا نقرا الكلام اللي احنا جبناه قراية سريعة بحيث فهمنا بسرعة هو بيتكلم عن ايه

معلش مش عارف ليه أنا حابب أبدأ بالسورس رقم 4!!!!

ممكن تقروه دلوقتي السورس رقم 4 (الأخير)؟؟؟
---------------------------------
هممممممم

مبدئياً واضح إنه منتدى. وثانياً واضح إن اللي كاتب المقال لغته ركيكة عنده أخطاء في الجرامر
كتير وكمان واضح كمان إنه نصاب (لإنه مش معقول خلال أسبوعين اتنين .....)!!!

لو رجعنا بصينا على اسم الموقع هنلاقي اسمه (شباب فاضي!!!)

أنا عاوز أوصل لايه؟؟؟؟

أحيانا بندور على النت بطريقة أو بأخرى ممكن نسنتج إن السورس اللي طلعلنا ده غير موثوق في صحته

سواء ده كان عن طريق اسم الموقع نفسه أو من الكلام المكتوب اللي ساعات ممكن نحس ببساطة إن الي كاتبه مش خبير أو حتى مش فاهم أي حاجة في الطب. بشوية معلومات بسيطة جداً في الطب نقدر نعرف إن ده كلام غلط أو غير منطقي

ودي حاجة مش قليلة أبداً في ظل انتشار مواقع طبية هي أقرب للمنتديات كل واحد يقول والله أنا حاسس إن عندي كذا واحد تاني يرد عليه يقوله ايه ده أنا كان عندي نفس المشكلة دي والدكتور شخص المرض ده على إنه كذا وكتبلي الدوا الفلاني انت خده وانت تستريح فورا

نظام المصريين بس بالإنجليزي وأونلاين!!!!!

في الحالة دي من غير ما أفكر أستبعد السورس ده بكل البيانات الواردة فيه

حتى لو كانت سليمة؟؟؟ أيوه

بمعنى تاني السورس ده أساساً مش هحمل الصفحة بتاعته على جهاز الكمبيوتر بتاعي لإن أنا ما
أضمنش مين اللي كاتبه وايه خبرته في الموضوع ... الخ
يبقى من الآخر هنشطب على السورس ده ويتفضلنا 3 سورسات وبس

الخلاصة لحد دلوقتي
إننا أشرنا لكل نص بكل ما نعرفه عن مصدره واستبعدنا أي سورس مشكوك في صحته
أوك؟؟؟
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:38 am

نبدتي نقرا من الأول تاني

السورس رقم 1

ممكن تقروه من الملف اللي معاكم؟؟؟؟

واحد من اللي كانوا قاعدين أول مرة قالي (ايه ده؟؟؟ شكلك مبتعرفش انجليزي كويس!!!)

ودي غلطة أنا متعمدها إني أستخدم on رغم إنها مش صح

أنا عاوز أوصل لحاجة

أنا دلوقتي لقيت معلومة مكتوبة "في سورس موثوق من صحته" لكن المعلومة دي ممكن أنا عندي

معلومة تاني عكسها خالص

في الحالة دي مش علطول السورس يبقى غلط

جايز المعلومة اللي عندي قديمة وحصل فيها تجديد وده وارد جداً في الطب

أو إن المعلومة اللي عندي جديدة والسورس مكتوب من زمان

وفي الحالتين

أنا عشان أتأكد إذا كنت أنا صح ولا غلط

أكمل قراية وأشوفها في السورسات التانية

لو لقيت ما يؤكد كلامي يبقى استبعد المعلومة دي بس من السورس الأول

في مثالنا

أنا جايز أنا الانجليزي بتاعي مش قوي

أو إنهم عملوا مؤتمر عالمي ما دعونيش ليه وقرروا تغيير بسيط في الجرامر!!!!

هتأكد منين

لما كملت قراية لقيت إن السورس التاني بيقول نفس الجملة لكن زي ما انا عارفها ومفيش أي

سورس تاني كتب الجملة دي بالصيغة المعدلة في السورس رقم 1

إذن الغلط كان في السورس مش من عندي (ممكن زي ما بقول ميكونش ده غلط لكن اختلاف في الزمان وتطور في المعلومة)

وهو المطلوب إثباته

لحد دلوقتي

احنا عملنا حاجتين لحد دلوقتي

Refer – Verify

سواء من مصدر المعلومة نفسه أو من المعلومة ذاتها
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:40 am

نكمل قراية ونروح مثلاً على السورس التاني

لو سمحتم اقروه بسرعة

هنلاقي الراجل بيتكلم كلام جميل لكن جه في آخر 3 جمل وخرج خالص بره الموضوع

وبدأ يتكلم عن سنة تالتة وده ملهوش علاقة بالموضوع اللي أنا بتكلم عنه أصلاً (أحمد شكري)

أحياناً أكون بدور عن موضوع معين ولإني بدور في سورس كبير

ألاقي إن السورس ده وهو بيتكلم عن المعلومة اللي أنا عاوزها

جت سيرة حاجة تانية وبدأ يدي تفاصيل عنها رغم إني ما بعملش بحثي عنها

في الحالة دي أبقى عارف إن الكلام ده أنا هستبعده من البارجراف بتاعي

لحد دلوقتي احنا عملنا كذا حاجة

قرينا وعملنا Refer

Verify

واستبعدنا الكلام ال Unrelated لموضوعنا

نكمل قراية في السورس التالت

لو سمحتم بصو فيه

بسرعة

هنلاقيه بيقول إن والده اسم شوقي وهو اسمه أحمد فابالتالي اسمه أحمد شوقي!!!!!

هو عبر عن نفس الجملة اللي اتكتبت قبل كده I’m Ahmed Shokry

بجملة تدي نفس المعنى لكن بأسلوب مختلف ومعقد

أنا عاوز أقول إن أحيانا بعض الكتب الكبيرة تيجي تتكلم عن جملة تقعد تكتبها بأسلوب يدوخك

وراها مع إن المعنى بسيط جداً وممكن يتكتب في جملة أبسط من كده بكتير والمعنى البسيط ده موجود في سورسات تانية

في الحالة دي أنا وأنا بكتب البحث ما روحش وآخد الجملة المعقدة لكن الأحسن إني آخد الجملة المبسطة من سورس تاني... ولا حد عنده رأي تاني

لحد دلوقتي في 3 صفات طلعناهم للجملة اللي أنا هكتبها
Verified
Related
Simple
ودول 3 كلمات أنا بعتبرهم 3 كلمات ذهبية لكتابة أي بارجراف أو موضوع سليم

أوك؟؟؟؟؟
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:42 am

طيب دلوقتي بعد ما قرينا واستوثقنا من مصادرنا واستبعدنا الكلام المعقد واللي لا يمت لموضوعنا بصلة

هنبتدي نكتب في الموضوع

وعشان نبتدي نكتب في الموضوع أنا عاوز معلش نقرا تاني بسرعة بس المرة دي بهدف تاني

عاوز أعرف كل سورس لما جه يتكلم فيه أحمد اتكلم عن ايه

بمعنى السورس الأول مثلاً اتكلم عن: اسمه-سنة-دراسته للطب في مصر-طب المنوفية-سنة تالتة-بيحب مصر

السورس الثاني اتكلم عن: اسمه- جنسيته-.....الخ

أنا عاوز أوصل لإني بعد ما قريت كل السورسات اللي قدامي

لقيتهم بيتكلمو تقريباً عن عناوين مشتركة

ممكن ألاقي سورس يجيب معلومة مش موجودة في باقي السورسات ومتوافر فيها التلات صفات

جميل جداً ومفيش أي مشاكل ده هيبقى عنوان إضافي عندي في الموضوع

طيب عشان منضيعش وقت كتير

من الآخر

كل الأفكار اللي بيتكلم عنها موضوع متكامل عن أحمد شكري هي

Name-Nationality-Age-Study

صح؟؟؟

ودي هتكون العناوين الرئيسية في الموضوع أو الباراجراف اللي أنا هكتبه عن أحمد

دلوقتي هعمل حاجة بسيطة جداً

إني أرتب الأفكار دي ترتيب منطقي

انت حر في ترتيبك (ودي حاجة تخص كل شخص)

ممكن أنا عاوز أجيب السن مثلاً قبل الجنسية أو العكس

انت حر دي حاجة هتكون trademark

خاصة بالبحث بتاعك

لكن برضه خلينا منطقيين

يعني في مثالنا مثلاً

مينفعش أجيب الجنسية والسن قبل الاسم

إذن رتب الأفكار حسب رؤيتك الشخصية للموضوع لكن راعي عدم الخروج عن المنطقية في التفكير

بعد عناء طويل

أنا اخترت إن الباراجراف اللي أنا بكتبه هيحتوي على الأفكار الآتية وبالترتيب التالي

Name-Age-Nationality-Study
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:53 am

أنا عندي ملحوظة وآسف على المقاطعة بس هو ده مكانها الأنسب

ممكن نرجع تاني نبص بسرعة في السورس رقم 4

هنلاقي شيء جميل جداً

كتب عن هواياته ومهاراته ودي حاجة متكتبتش في أي سورس تاني وممكن تكون إضافه هايلة لموضوعي..

صح؟؟؟؟

لأ مش صح

لإن من البداية أنا قلت منقراش السورس ده أصلاً

أنا دلوقتي إيه يضمنلي إن اللي كاتب الكلام ده أحمد شكري أو حتى إذا كان هو اش عرفني إذا كان الكلام ده بجد ولا زي ما كان بيتكلم على باريس؟؟؟!!!

أوك؟؟؟

طيب نرجع لموضوعنا
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:54 am

نبتدي نكتب

أول خطوة هنقل أسماء التلات سورسات وأديهم أرقام

بمعنى

إني أكتب في ديل الصفحة 1 مثلاً كتاب كذا ... وبرضه مش مهم قوي الريفرنس دلوقتي

لو سمحتم بصوا في الصفحة التانية اللي أنا رافعها عشان تعرفوا أنا قصدي ايه

الخطوة اللي بعد كده

بكل بساطة هبدأ في فكرة فكرة وأختار الجمل

بمعنى

مثلاً

جملة الاسم

هقرا التلات سورسات

بعد ما قرينا هنلاقي إن في كلام مشترك ما بين ال 3 سورسات هم ال 3 اتكلموا عنه بس بأسلوب مختلف

في جملة من التلاتة أنا في البداية قلت بلاشها (الجملة المعقدة)

عاوز تستخدمها انت حر بس تصور حجم التعقيد اللي هيكون في الموضوع بتاعك لما تاخدها!!!!

ممكن ألاقي جملتين بيعبروا عن نفس الفكرة وتوافرت فيهم كل الصفات دي

مثلاً I am Ahmed Shokry = My name is Ahmed Shokry

في الحالة دي أعمل ايه؟؟؟؟

اختار الجملة اللي انت انت شايفها صح وما تقفش كتير عندها

سواء اخترت دي أو دي مش هتفرق فاوعى تضيع وقتك في إنك تفاضل ما بين الجملتين
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:56 am

أنا في مثالنا

اخترت جملة السن من السورس التاني (ليه أنا حر!!!)

My name is Ahmed Shawky

وأشرت ليها برقم 2 اللي هو رقم المصدر اللي أنا خدت منه الجملة دي

وكتبت تحت السورس ده بالتفصيل وبالطريقة الصح

بنفس الطريقة انتقلت للفكرة التانية Age

وأخدت جملة السن من السورس الأول

I am 19 years old

طيب كده خلصنا فكرتين

فاضل فكرتين

الدراسة والجنسية

ايه رأيكم

ممكن نستخدم نفس الطريقة في اختيار الجملتين الفاضلين

وممكن نعمل حاجة صعبة شوية لكن لو عرفنا نعملها هنا هنقدر نعملها في الكلام المكلكع بعد كده

أنا قررت إني أختار جملة واحدة تجمع بين الدراسة والجنسية

ايه ده هو الكلام ده ممكن؟؟؟؟

أيوه ممكن

خليكو معايا
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:57 am

آدي في البداية كل الجمل المناسية اللي وردت عن الجنسية والدراسة في السورسات التلاتة بتوعي
I am a medical student in Egypt (1)
I am an Egyptian. I am studying medicine in Menoufia Faculty of Medicine (2)
I am an Egyptian Medical Student (3)

ايه رأيكم

أي جملتين منهم يمشو وهيبقو صح

وممكن لو دماغي يعني خلاص وقفلت معايا

وعزمت النية إني أعبر عن الفكرتين بفكرة واحدة

أختار جملة السورس رقم 3

وخلاص

بس برضه أنا مش هعمل كده

ايه رأيكم

هقول

I am an Egyptian Medical student in Menoufia Faculty of Medicine

ايه ده

هو اللي انت عملته ده

انت بتحرف في الكلام؟؟؟؟؟!!!!!!

لا بحرف ولا حاجة

أنا نقلت جزء من المعلومة من السورس التاني وجزء تاني من السورس التالت

صح؟؟؟

ماشي بس كده هنكتب الجملة دي جاية من أي سورس؟؟؟

بسيطة جداً

في طريقتين

ممكن آجي على آخر الجملة

وأكتب

)2(
و
)3(
I am an Egyptian Medical student in Menoufia Faculty of Medicine (2)(3)
أو إني آجي بعد الجزء اللي أخدته من كل سورس وأكتب رقم السورس

ودي الطريقة اللي أنا عن نفسي بستخدمها ومقتتع بيها

بمعنى
I am an Egyptian Medical student (2) in Menoufia Faculty of Medicine (3)
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 1:58 am

لو حطينا التلات جمل بتوعنا جنب بعض بنفس الترتيب اللي اتفقنا عليه سابقاً

هلاقي إننا عملنا باراجراف بسيط قوي عن أحمد شكري

غطينا فيه كل الأفكار الرئيسية عن هذا الشخص

وغطينا فيه ببساطة كتير من الأهداف اللي دورة البحث العلمي عاوزه تعملها للناس

أنا عاوز أأكد تاني على 3 كلمات
Simple
Related
Verified

دلوقتي بعد ما فهمنا ببساطة الفكرة الأساسية

ممكن نبتدي ننقل على الكلام الكبير بتاع الطب

أنا كنت

شرحت للجروب بتاعي على مثال أنا عملته عن ال bronchi

أكيد بتفاصيل أكتر

لكن إذا كانت الفكرة وصلت في موضوع أحمد شكري

فكل الكلام والإضافات بعد كده هتكون بسيطة جداً إن شاء الله

على فكرة الكلام كتير عن الموضوع

وممكن نقعد للصبح نفكر ونضيف أفكار على الفكرة

بحيث نطلع في الآخر بفكرة عملاقة

توصل في 5 دقايق أساسيات البحث العلمي كله

أنا حاولت على قد ما أقدر

وانتو كمان لو عندكو إضافات أو اقتراحات ممكن تضيفوها

ودمتم على خير

وآسف جداً على الإطالة (على فكرة مش مفروض لو هنكتلم شرح شفوي في التدريب الكلام اللي فوق ده يزيد عن 7 دقايق)

يا رب تكونوا استفدتم وما زهقتوش!!!!

دعواتكم
الرجوع الى أعلى الصفحة اذهب الى الأسفل
http://www.mohamedalaa.info
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 2:10 am

على فكرة أنا معرفش مين هو أحمد شكري!!! ومقصدتش شخص بعينه !!
أنا حبيت أغير الأسماء فاخترت اسم عشوائي!!!
الرجوع الى أعلى الصفحة اذهب الى الأسفل
http://www.mohamedalaa.info
محمد قورة



عدد الرسائل : 580
تاريخ التسجيل : 19/11/2007

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 9:56 am

هايل يا احمد

قصدي يا محمد Very Happy

جزاكم الله خيرا
الرجوع الى أعلى الصفحة اذهب الى الأسفل
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: رد: بعد تعديل اللينكات .. أحمد شكري ... 2010   الجمعة 19 فبراير 2010, 6:16 pm

محمد شرحلنا لافكرة بتاعته دى امبارح

وكان فى فكرة
ان بحث احمد شكرى ده يكون هوه الوسيلة اللى هنفهم بيها الناس فى الدورة ...؟؟
مش عارف ..ايه رايكو فى الفكرة دى؟؟؟؟

الرجوع الى أعلى الصفحة اذهب الى الأسفل
Mohamed Alaa

avatar

عدد الرسائل : 58
العمر : 27
الفرقة : الرابعة
تاريخ التسجيل : 20/01/2008

مُساهمةموضوع: رد: بعد تعديل اللينكات .. أحمد شكري ... 2010   السبت 20 فبراير 2010, 10:14 pm

هايل
هي اللينكات مش شغالة
؟؟؟
!!!!!!!!!!!!!!!!
الرجوع الى أعلى الصفحة اذهب الى الأسفل
http://www.mohamedalaa.info
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: بعد تعديل اللينكات .. أحمد شكري ... 2010   الأحد 21 فبراير 2010, 1:01 am

جميل جدا يادكتور محمد
الفكرة حلوة اوي وبتساعد ف توصيل المعلومة بشكل كبير

اقتباس :

وكان فى فكرة
ان بحث احمد شكرى ده يكون
هوه الوسيلة اللى هنفهم بيها الناس فى الدورة ...؟؟
مش عارف ..ايه رايكو
فى الفكرة دى؟؟؟؟
انا معاك يادكتور عمر - هتبقى حلوة اوي
يتوضح عليها الفكرة ف الاول وبعد كدا توضيح الفكرة على البحث الـ scientific هتبقى سهلة ومش هتاخد وقت
بس مينفعش نعتمد عليها لوحدها

اقتراح كمان بس انا مش معاه اوي
ينفع تتقال ف بريسينتيشن موحد بسرعة كدا بعد ما دكتور محمد يقول الكلمتين اللي ف الاول او يستعين بيها لتوضيح الفكرة
الرجوع الى أعلى الصفحة اذهب الى الأسفل
SaLmA

avatar

عدد الرسائل : 37
تاريخ التسجيل : 31/12/2009

مُساهمةموضوع: رد: بعد تعديل اللينكات .. أحمد شكري ... 2010   الأحد 21 فبراير 2010, 4:49 pm

Manar كتب:
جميل جدا يادكتور محمد
الفكرة حلوة اوي وبتساعد ف توصيل المعلومة بشكل كبير

اقتباس :

وكان فى فكرة
ان بحث احمد شكرى ده يكون
هوه الوسيلة اللى هنفهم بيها الناس فى الدورة ...؟؟
مش عارف ..ايه رايكو
فى الفكرة دى؟؟؟؟
انا معاك يادكتور عمر - هتبقى حلوة اوي
يتوضح عليها الفكرة ف الاول وبعد كدا توضيح الفكرة على البحث الـ scientific هتبقى سهلة ومش هتاخد وقت
بس مينفعش نعتمد عليها لوحدها

اقتراح كمان بس انا مش معاه اوي
ينفع تتقال ف بريسينتيشن موحد بسرعة كدا بعد ما دكتور محمد يقول الكلمتين اللي ف الاول او يستعين بيها لتوضيح

انا مع الكلام دة جدا
وفكرة دكتور محمد طبعا حلوة جداااا جداااا وبسيطة
وهتكون وسيلة حلوة لتوصيل المعلومة ببساطة
الرجوع الى أعلى الصفحة اذهب الى الأسفل
 
بعد تعديل اللينكات .. أحمد شكري ... 2010
الرجوع الى أعلى الصفحة 
صفحة 1 من اصل 1
 مواضيع مماثلة
-
» التعليم المبرمج ـ منقول ـ
» الرياضة بولاية غرداية...هلال غرداية
» المنمنمات
» سيف الدين قطز
» مع اميرة القلوب انتي احلى>>اجمل اتسريحات والمكياج

صلاحيات هذا المنتدى:لاتستطيع الرد على المواضيع في هذا المنتدى
MNFMED QAAP Forum :: اللجنة الطلابية :: دورة اساسيات البحث العلمي :: دورة اساسيات البحث العلمي 2010-
انتقل الى: