MNFMED QAAP Forum

منتدي لجنة الجودة بكلية طب المنوفية
 
البوابةالرئيسيةس .و .جالتسجيلدخول

شاطر | 
 

 الميتنج.. هنعمل ايه؟؟؟!!

اذهب الى الأسفل 
كاتب الموضوعرسالة
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: الميتنج.. هنعمل ايه؟؟؟!!   الثلاثاء 26 يناير 2010, 7:40 pm

سلام عليـــــــــــكم

طبعا ان شاء الله المفروض يبقى الكل عراف ان الميتنج هيبقى يوم التلات والخميس الجايين ان شاء الله

ماشى...

طب وبعدين..
هنعمل ايه؟؟؟؟؟

نقول الاول اللى حصل السنة اللى فاتت

1_ كان فى فقرة عن حال الناس ورايهم فى البحث العلمى وانطباعهم عنه
ودى طبعا كان هشام الى عملها وكان جايب كلامه من على ردود الناس فى مواضيع الدعايا على المنتديات...

2_ فقرة تانية عن الى هيحصل فى الدورة واللى الناس هيستفيدو منه فى الدورة دى...
وتجهيز كده ليهم وتحفيزهم عشان يكملو معانا ... ودى كانت عملتها لاسنة اللى فاتت د منار

3_ فقرة تالتة ... وهى حوار مفتوح مع الناس ... يعنى رايهم ..وظروفهم وايه اللى حابينه وكده ولو فى استفسارات بردو عن اى حاجة... (ودى كان شارك فيها د منار وهشام ومحدم قورة )

ده تقريبا اللى حصل السنة اللى فاتت

هل ده يكفى السنة دى؟؟ ولا فى حاة عايزين نزودها

وهل فى حاجة بردو هتبقى attractive للناس اكتر ؟؟؟
....

فكرو معانا بقى ...
....

ده بالنسبة للفقرات...

فاضل حاجة بقى..
النظام ..

طبعا المفروض يعنى نبقى كلنا موجودين
او على الاقل عدد كويس مننا
وطبعا هيبقى فى ورق registeration
و..

وفكرو معانا بقى ايه الىل هنحتاجه؟؟؟
الكل يشارك.... هى دى بداية الجد....
فكرووووووو بس..
الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الميتنج.. هنعمل ايه؟؟؟!!   الثلاثاء 26 يناير 2010, 8:23 pm

كويس انك فتحت الموضوع ياد عمر

عاوزين نخلص كلام ف المحتوى اللي عاوزينه يبقى ف الميتنج التعريفي بتاع الريجستريشن

قبل يوم الجمعة عشان نظبط نفسنا قبل امتحانكوا بتاع الباثو

عشان بس يبقى الكلام وضح

هأكد على دي تاني

اقتباس :

هل ده يكفى السنة دى؟؟ ولا فى حاة عايزين
نزودها

وهل فى حاجة بردو هتبقى attractive للناس اكتر ؟؟؟
....

فكرو
معانا بقى ...
....

فكروا ف الوسائل اللي نقنع الناس من خلالها بالدورة عشان لما يسجلوا معانا يوم الميتنج يبقوا جايين السيمنا وهما مقتنعين

نظام مندوب المبيعات يعني

شوفوا الزبونل : طلبة سامعين عن الموضوع من السنة اللي فاتت
- طلبة جت من خلال الدعاية - طلبة جاية كدهو وخلاص لما لقت اصحابها جايين
والسلعة : الدورة ككل .. مفهوم وتفاصيل
ووسيلة التوصيل: دي اللي بندور عليها

انا مثلا ف بالي ان احنا لازم هنتكلم شوية عن قصة الـ ciqap ووضع مشروعنا والريسبونس الحلو اللي عمله لما الناس بتوع لجنة التقييم جم

ايه كمان ؟
الرجوع الى أعلى الصفحة اذهب الى الأسفل
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: رد: الميتنج.. هنعمل ايه؟؟؟!!   الثلاثاء 26 يناير 2010, 10:09 pm

اقتباس :

انا مثلا ف بالي ان احنا لازم هنتكلم شوية عن قصة الـ ciqap ووضع مشروعنا والريسبونس الحلو اللي عمله لما الناس بتوع لجنة التقييم جم
انا راى بردو ان النقطة دى مهمة
بس بلاش تتعمقو فى الكلام عن الجودة نفسها
عشن بس الكلام ميبعدش مننا عن اللى احنا عاوزينه
بس لازم نقول النقطة دى عشان الناس تعرف انه حاجة مهمة..وياريت بردو يفهمو نقطة(بس من غير تعمقة) ان الكلية هتستفيد اد ايه لما تعتمد وهم هيتفيدو اد ايه...
مش عراف هل النقطة دلى واصلة لكل الناس ولا لا...!!!
.....
كان فى حاجة تانية
بس دى عايزة تنسق مع الدكاترة الاول
وهى نقطة ان الناس هتتحاسب على النظام البحثى ... مش بس على المادة العلمية فى ابحاث اللى طالباها الكلية...
..
بس مش عارف..هل فى فرصة للموضوع ده ولا لسه بردو؟؟؟


فكرووووووووو...

(معلشى معظم الناس عندها امتحان بكره ... بس ياريت لما يرجعو يفكرو معانا...)
الرجوع الى أعلى الصفحة اذهب الى الأسفل
samah saad

avatar

عدد الرسائل : 32
العمر : 28
تاريخ التسجيل : 25/12/2009

مُساهمةموضوع: رد: الميتنج.. هنعمل ايه؟؟؟!!   الثلاثاء 26 يناير 2010, 10:33 pm

[quote="Omar Atef"]

اقتباس :

كان فى حاجة تانية
بس دى عايزة تنسق مع الدكاترة الاول
وهى نقطة ان الناس هتتحاسب على النظام البحثى ... مش بس على المادة العلمية فى ابحاث اللى طالباها الكلية...
..

اعتقد ان النقطة ديه هتخلي الناس اللي مش مقتنعة اوي تجي لان لناس بتخاف اوي لو الموضوع هيدخل في درجات وكده....

وكمان ان الوضوع فعلا شكله في دماغ الدكاترة والا د.محمد شعبان مكنش قال اني هحاسب الناس على ترتيب البحث واكيد برده بقية الدكاترة....

في حاجة كمان اعتقد انه بلاش الكلام عن الجودة يبقى كتير لان ممكن الناس بتزهق من الكلام النظري ده...

يعني زي ماقلوتو كده هيبقى بس مجرد انه نفهمهم يعني ايه جودة والحورات ديه بس بشكل ملخص...
وانه كمان في دكاترة كبار ليهم علاقة بالجودة والاعتماد ابدوا اعجابهم بالي معمول من اللجنة الطلابية بتاعت الجودة في كليتنا ....


يعني باختصار مش تكون مملة...
وادينا بنفكر...
الرجوع الى أعلى الصفحة اذهب الى الأسفل
محمد قورة



عدد الرسائل : 580
تاريخ التسجيل : 19/11/2007

مُساهمةموضوع: رد: الميتنج.. هنعمل ايه؟؟؟!!   الثلاثاء 26 يناير 2010, 11:59 pm

كويس Smile

فكروا يللا ..

بداية موفقة

الرجوع الى أعلى الصفحة اذهب الى الأسفل
SaLmA

avatar

عدد الرسائل : 37
تاريخ التسجيل : 31/12/2009

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 7:46 pm

اقتباس :
كان فى حاجة تانية
بس دى عايزة تنسق مع الدكاترة الاول
وهى نقطة ان الناس هتتحاسب على النظام البحثى ... مش بس على المادة العلمية فى ابحاث اللى طالباها الكلية
مش عارفة انا كان لية اعتراض ع النقطة دي ف حاجة
اننا ازاي هنحاسب الناس (الدفعات كاملة) ع نظام البحث
ومثلا الدورة السنة دي مش هتقدر تستوعب كل العدد دة (دي يعني بافتراض انهم اتقدموا)
يبقى مش من حق الاقسام مثلا تطلب منهم حاجة زي كدة غير لما نوفر امكانية تعلمهم الحاجات دي للدفعات بحالها (مش عارفة اذا كنت قدرت اوصل وجهة نظري!)

وبناءا عليه برده اننا نقول للناس اشترك ف دورة البحث العلمي علشان ما تخسرش درجة مش هيكون مقنع
ما هيقولك ما احنا كنا بنعمل ابحاث وبناخد فيها درجات نهائية من غير دورات ولا وجع دماغ
مع اننا بنبقى مقتنعين جدا واحنا بناخد الدرجات اننا ما نستهلهاش

يعني اللي يتقدم للدورة يكون فعلا نفسه يتعلم مبادئ البحث العلمي ومقتنع باهميتها
واحنا مفروض دورنا ف الميتنج دة كدة

بصراحة انا شايفة ان اهمية البحث اكبر بكتير واقيم من الكلام ف درجة ولا درجتين

انا عن نفسي لو حد قالي ادخلي دورة البحث عشان درجتين وانا مش مقتنعة باهمية الموضوع لية
ف مستقبلي انا طبعا ومستقبل بلدي هاطنش
او يمكن انا اللي عندي اريتاشن من موضوع الدرجات دة وما بحبش اخدها
الرجوع الى أعلى الصفحة اذهب الى الأسفل
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 8:48 pm

يا دكتورة الفكرة مش فكرة درجات

انا كان قصدى ان الاقسام تحسس الناس باهمية الموضوع نفسه..

...
الرجوع الى أعلى الصفحة اذهب الى الأسفل
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 8:49 pm

هوه مفيــــــــــش افكار تانية غير دى؟؟

فكروووووووو كده فى حاجة جديدة تكون مشجعة للناس بردو..
...

ياللا قبل ما نتشغل فى امتحان الباثولوجى


الرجوع الى أعلى الصفحة اذهب الى الأسفل
ahmed magdy

avatar

عدد الرسائل : 5
تاريخ التسجيل : 13/01/2010

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 9:15 pm

سلامو عليكم
ازيكم يا دكاترة
انا بس حبيت اوضح نقطة انا لاحظتها وانا بكلم الناس النهاردة
ووانا بوزع الورق ان الناس مش عارفة حاجة عن الجودة فعلا
ومعظم الناس قالتلي هو ايه الجودة دي وايه لازمتها
ومش عارفين حاجة برضه عن الاعتماد والحاجات دي
وناس قالتلي طيب ايه لازمة البحث العلمي ده اصلا وهيفيدنا في ايه
وقليل قوي قوي قوي لما الاقي حد فاهم عن الموضوع ده
او مهتم بيه اصلا او حتي بيفكر فيه
وفي سؤال كده سالهولي كذا واحد
قالولي هي الدورة دي بكام
ومين اللي هياخد الفلوس؟؟
الناس فاكرة كمان ان الدورة دي بفلوس ومش فاهمين انها لمصلحتهم
بس حاولت اوضحلهم فكرة انها هتفيدهم وانها من غير فلوس وان مش احنا اللي مستفادين
بس منها لكن هما برضه مستفادين زيهم زينا وان كلنا هناخد نفس الاستفادة في الاخر
ففعلا الناس عاوزة توعية علي موضوع الجودة والاعتماد
وان احنا نكلمهم عن المواضيع دي قبل
اي حاجة خالص
واعتقد ان دي تقريبا من اهم الحاجات اللي تتعمل

وسامحوني علي التطويل
وجاري التفكير عشان افكار جديدة
الرجوع الى أعلى الصفحة اذهب الى الأسفل
Omar Atef

avatar

عدد الرسائل : 97
تاريخ التسجيل : 03/01/2009

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 9:56 pm

فعلا الناس النهارده كانت فاكرة الموضوع بفلوووس...!!
حاجة كمان

بدون احباط يعنى
بس طلبة طب محبطين الى ابعد الحدود...
مش فاهمين ان الحياة كلها مش مزاكة ومحاضرات وكده...

والنقطة دى نقطة سلبية جدا فى حياة طالب الطب..

جاجة تزعل بجد

(خرجنا بره المضووع .....فكرووووووو تانى...
)
الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 29
الفرقة : 6th class
تاريخ التسجيل : 20/11/2007

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 10:31 pm

* احنا فعلا لازم نتكلم عن المشروع بصفه عامه والCIQAP

لازم نعرف الناس احنا فين في الجودة وضعنا ايه من الليله دي ؟؟

لآن زي ما بتقولوا الناس مش عارفه الدنيا فيها ايه

فلازم نوجد علاقه بين الجودة بصفه عامه واللي بيحصل فيها وبين الطلبة

دي نقطة مهمة جدا ..

* بعد كده لازم نعرف الناس برده إيه الهدف من القصه دي

يعني احنا عملنا الدورة دي ليه ؟؟ يعني ناس كتيرة فاكرينها بفلوس أهه

لازم نوضح لهم النقطه دي .. ان الدورة دي بقت ضمن المخرجات ودي حاجة من ضمن

الحاجات اللي هتساعدنا في الاعتماد .. غير إنها بتخدم الرسالة والرؤية بشكل مباشر ...

* بعد كده نتكلم عن أهميه البحث العلمي نفسه من كل الجوانب ..

* لازم نشجع الناس انها تشترك اننا نعرض لهم مزايا الموضوع :

- مثلا ان انت تعمل بحث وانت فاهم بدل ما تعمل كوبي وباست من عالنت

- ان الموضوع ده ممكن يبقي عليه درجات بعد كده

- الشهاده معتمدة من الكليه تحطها في البورتفوليو بتاعك ..

- ممكن تطلع co researcher تبع الماسا في المعهد القومي للبحوث لو عاوز حاجة

advanced بقي

- رحلات التبادل الطلابي نفسها انت بيبقي قدامك سكتين ياتدخل تبع اي قسم clinical

انت عاوزه ياما تبقي co researcher وتدخل في التراك ده ..

وهذا ....

ياريت نتفق بسرعه عشان نلحق نجهز كويس ونعمل ال presentation

وياريت الكل يقول رأيه ياجماعة .. بلاش الناس اللي بتتفرج دي

عشان بكره ولا بعده هنادي لقورة ينفخ اللي مشتغلش
الرجوع الى أعلى الصفحة اذهب الى الأسفل
محمد قورة



عدد الرسائل : 580
تاريخ التسجيل : 19/11/2007

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 10:45 pm

اقتباس :
الناس فاكرة كمان ان الدورة دي بفلوس ومش فاهمين انها لمصلحتهم
بس حاولت اوضحلهم فكرة انها هتفيدهم وانها من غير فلوس وان مش احنا اللي مستفادين
بس منها لكن هما برضه مستفادين زيهم زينا وان كلنا هناخد نفس الاستفادة في الاخر
ففعلا الناس عاوزة توعية علي موضوع الجودة والاعتماد

ملاحظة قوية جدا يا احمد .. جزاكم الله خيرا
الرجوع الى أعلى الصفحة اذهب الى الأسفل
محمد قورة



عدد الرسائل : 580
تاريخ التسجيل : 19/11/2007

مُساهمةموضوع: رد: الميتنج.. هنعمل ايه؟؟؟!!   الأربعاء 27 يناير 2010, 10:57 pm

اقتباس :
عشان بكره ولا بعده هنادي لقورة ينفخ اللي مشتغلش

هههههههههه

هو انا بقيت بخوف كدا ..

طيب سخن يا ابو عياد عشان انا شايفك اول الطابور Laughing


يللا اجدعنوا عاوزين بجد اجتماع التسجيل دا يبقى حاجة كدا

أُبـّــــهه


الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الميتنج.. هنعمل ايه؟؟؟!!   الخميس 28 يناير 2010, 5:42 pm

???any help

بس الله يكرمكوا بلاش حكاية الافكار دي دلوقتي عشان انا ف اجازه

بس لو عايزيني انزل الكليه اعمل أي حاجه انا ممكن اجيلكوا سبت وتلات وخميس
الرجوع الى أعلى الصفحة اذهب الى الأسفل
محمد قورة



عدد الرسائل : 580
تاريخ التسجيل : 19/11/2007

مُساهمةموضوع: رد: الميتنج.. هنعمل ايه؟؟؟!!   الجمعة 29 يناير 2010, 7:46 pm

اقتباس :
عشان بكره ولا بعده هنادي لقورة ينفخ اللي مشتغلش

بكرة وبعده بيخلصوا اهه ..

Cool

وانتوا قلتوا ..

اقتباس :
* احنا فعلا لازم نتكلم عن المشروع بصفه عامه والCIQAP


اقتباس :
بعد كده لازم نعرف الناس برده إيه الهدف من القصه دي

يعني احنا عملنا الدورة دي ليه ؟؟

اقتباس :
* بعد كده نتكلم عن أهميه البحث العلمي نفسه من كل الجوانب ..

اقتباس :
* لازم نشجع الناس انها تشترك اننا نعرض لهم مزايا الموضوع :

.

.

.
هساعدكو المرة دي عشان انتوا مزنوقين ف الامتحان .. ..


فاضل كدا ..

نشرح تفاصيل الدورة ..

نجاوب على استفساراتهم


و زي ما عمر قال 

اقتباس :
النظام ..

طبعا المفروض يعنى نبقى كلنا موجودين
او على الاقل عدد كويس مننا
وطبعا هيبقى فى ورق registeration
و..


ايه رايكم كفاية كدا ..


Question




الرجوع الى أعلى الصفحة اذهب الى الأسفل
Khaled El-leithy

avatar

عدد الرسائل : 142
العمر : 28
الفرقة : الرابعة
تاريخ التسجيل : 18/12/2009

مُساهمةموضوع: رد: الميتنج.. هنعمل ايه؟؟؟!!   الجمعة 29 يناير 2010, 9:59 pm

اظن انه كفاية..اوي كده..

دي ساعة يعني


الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الميتنج.. هنعمل ايه؟؟؟!!   السبت 30 يناير 2010, 9:58 pm

سلام عليكم

انا ليا رأي ياجماعة

دلوقتي احنا اتكلمنا مع ناس كلام عام مرتين ف الدورة اللي فاتت

1- يوم الميتنج بتاع الريجستريشن الاول

الكلام كان الاول عن سيد احباط وبعدين كلام المنتديات –
آراء الناس من خلال الامواضيع اللي نزلناها على كلية اونلاين السلبي والرد عليه و
بعدين الاراء الايجابية وتعاون الدكاترة وكدا وبعيدن شرحنا نظام الدورة

2- يوم حفل توزيع الشهادات
كان فيه ف الكلام شرح للدورة اللي حصلت و نتايج الاستطلاعات المختلفة وبعدين كلام عن الـمشروع ووضعنا ايه فيه وكدا

انا شايفة ان احنا مش لازم نقدم افكار جديدة ل

ان المستقبل recepient شخص مختلف

الافكارالي فوق دي كافية بصياغة جديدة هتعمل شغل حلو


الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 29
الفرقة : 6th class
تاريخ التسجيل : 20/11/2007

مُساهمةموضوع: رد: الميتنج.. هنعمل ايه؟؟؟!!   السبت 30 يناير 2010, 11:25 pm

تمام انا متفق مع رأي الدكتورة منار
الرجوع الى أعلى الصفحة اذهب الى الأسفل
 
الميتنج.. هنعمل ايه؟؟؟!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MNFMED QAAP Forum :: اللجنة الطلابية :: دورة اساسيات البحث العلمي :: دورة اساسيات البحث العلمي 2010-
انتقل الى: