MNFMED QAAP Forum

منتدي لجنة الجودة بكلية طب المنوفية
 
البوابةالرئيسيةس .و .جالتسجيلدخول

شاطر | 
 

 الفريق العلمي

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
Manar



عدد الرسائل : 659
تاريخ التسجيل : 21/11/2007

مُساهمةموضوع: الفريق العلمي   الثلاثاء 12 يناير 2010, 9:44 pm

سلام عليكم

ورانا شغل ومهام وحاجات كدا حلوة

هقولكوا عليها واوزع المهام

SO SOOOOOOOOOOON

الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الفريق العلمي   الجمعة 15 يناير 2010, 7:29 pm

.....waiting
الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الفريق العلمي   السبت 16 يناير 2010, 1:37 pm

سلام عليكم

عدنا وهنتكلم اهه

المسئولين عن الفريق العلمي

منار

رحاب

عمر عاطف

اما الاعضاء بقى- هيتضحوا من خلال ردودكوا عليا ف الموضوع دا

ولو مردتوش هختار أنا على بالليل وكله إجباري


- محدش يخاف ادخلوا ردوا -

الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الفريق العلمي   السبت 16 يناير 2010, 1:45 pm

ايه هي مهام الفريق العلمي ؟

1- إعداد المحتوى العلمي

2-إعداد وسائل توصيل المعلومة

3- الشكل النهائي للدورة

4- brain storming again

سيكوا من 2 و 3 و 4

وخلونا ف النقطة الاولى حاليــــــــــــــا

اقتباس :
1- إعداد المحتوى العلمي

المحتوى العلمي المقصود بيه :

1- محتوى السيمنار

2- محتوى ورشة العمل

بالنسبة للنقطة 2
اقتباس :
2- محتوى ورشة العمل

تقريبا شكلها العام واضح حتى الان من السنة اللي فاتت

ولو فيه تجديد او اقتراحات فمش وقت التفكير فيه دلوقتي .. نُلجِؤه إلى أجل قريب



الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الفريق العلمي   السبت 16 يناير 2010, 2:01 pm

النقطة 1 بقى

اقتباس :
1- محتوى السيمنار


هي دي اللي لازم نخلص تفكير فيها وتجهيز ليها الكام
يوم الجايين - 3 ايام بالكتير -



لو تفتكروا السيمنار اللي فات كان فيه 4 sessions

1- الافتتاح بتاع د وفاء والوكلا ود اشرف رضا


2- د حاتم .. وانكلم عن مبادئ البحث العلمي ودا كان البريسينتيشن بتاعه


mediafire.com download.php?zin3m2kofnd


3- د عبد الواحد .. كيف تكتب بحثا والكلام كان لايمت للي احنا عاوزينه بصلة


4- فقرة حوارية مفتوحة مع د احمد رجب .. ودي عجبت ناس كتير


___________________

طبعا السنة اللي فاتت كان تجربة لاول مرة وكنا عملنا فيها حاجات


وكنا مستنيين رد الفعل عشان نقيم الشغل ونعرف اللي عملناه دا كان صح ولا
غلط


نعمله تاني ولا لا


ايه اللي هيفيد الطالب فعلا ويحققلنا هدفنا وايه لا


وهكذا...... ،



طلعنا ف الاخر ان الفقرة الاولى والاخيرة 1 و 4

ينفع يتكرروا بشكل جديد بس الافكار ف حد ذاتها جيدة


الفقرة 3

ملهاااااش لازمة

وخسّرتنا أكتر ماكسّبتنا واللي هيتقال فيها احنا
ممكن نقول احسن منه بمراااحل ف الورشة








الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الفريق العلمي   السبت 16 يناير 2010, 2:15 pm

الفقرة التانية بقى

-
عاوزة اعادة صيغة ودي اللي هنحتاج نشتغل عليها الـ 3

ايام الجايين


الكلام
فيها كان كلام نظري - ودا اللي هنعمله بس المحتوى محتاجين نغيره



عاوزين
السيمنار السنة دي يبقى تحت عنوان




اهمية البحث العلمي



ننشر
المفهوم وأهميته



مطلوب مننا نحدد المحاور اللي
محتاجينها تكون موجودة ف الفقرة دي


عشان الدكتور اللي هيتكلم يبقى
عاوز احنا عاوزين ايه



عموما - دي محاور
مبدأية للموضوع



مقالة:

ماذا
قدم البحث العلمي للدول الكبرى ..

ماهو موقع البحث العلمي
في
الدول الكبرى

اهمية البحث العملي في المجال الطبي ..

اهمية
البحث العملمي في مصر .. في مجالات

الطب

الزراعة

الاقتصاد


مشاكل المجتمع



ومحتاجين نعرف رأيكوا
ونزود ايه كمان


وبعد كدا نقسم المحاور علينا ونبحث فيها ونشوف ايه
الكلام اللي ممكن يتقال

تحتها


hurry
up



الرجوع الى أعلى الصفحة اذهب الى الأسفل
SaLmA

avatar

عدد الرسائل : 37
تاريخ التسجيل : 31/12/2009

مُساهمةموضوع: رد: الفريق العلمي   السبت 16 يناير 2010, 9:44 pm


سلام عليكم

بجد يا منار ماشاء الله انتي قولتي كل حاجة

حللتي سيمنار السنة اللي فاتت زي الناس ما شافته بالظبط

يالنسبة بقة للنقطة 3 اللي مفروض نفكر فيها هي فعلا المحور الاساسي السيمنار

فاحنا عايزين الناس تقعد وتسمع للاخر

اقتباس :

الكلام
فيها كان كلام نظري - ودا اللي هنعمله بس المحتوى محتاجين


طب هو بيبقى فيه داتا شو ف الفقرة دي
بيتهيألي يبقى احسن من لما الدكتور يتكلم كدة بحس الناس بتزهق وتنام منه وتمشي

بالنسبة للمحاور ممكن نعمل مقارنة كدة بين مصر والعالم المتقدم ف بعض المجالات
اللي كان البحث العلمي سبب ف وجود فروق كبيرة بينا وبينهم ف المجالات دي
ممكن يتعملها داتا شو مثلا صور وحاجات من الواقع
بيتهيالي دة هيبين اهمية البحث العلمي خصوصا الناس مبهورة بالدول المتقدمة وتطورها

كمان ممكن يكون بداية الكلام حوار بين الدكتور والحاضرين عن اهمية البحث العلمي
يشوف دماغهم بتفكر ف ايه كدة كنوع من التفاعل بدل ما يناموا منه

انا عارفة ان فيه فقرة حوارية بس دة بعد ما يسمعوا احنا عايزين قبل ما يسمعوا كمان عشان نعرف اذا كان الكلام هيغير ف فكرهم ولا لا

انا شايفة ان الفقرة دي مهمة جدا لان معظم الناس بتحب تشارك ف دورة البحث العلمي عشان ورقتين بيتقدموا للاقسام

بس لازم نفهم ان موضوع البحث العلمي اكبر من كدة كتييييييير

مش فاكرة حاجة تاني دلوقتي


الرجوع الى أعلى الصفحة اذهب الى الأسفل
SaLmA

avatar

عدد الرسائل : 37
تاريخ التسجيل : 31/12/2009

مُساهمةموضوع: رد: الفريق العلمي   السبت 16 يناير 2010, 10:05 pm

اه حاجة كمان افتكرتها

ممكن نبين برده نماذج مصرية عملت انجازات ف مجال البحث العلمي

عشان ما يحسوش ان الصورة سودة كدة ف مصر لا دة فيه امل

وياسلام لو يكونوا ف المجال الطبي
الرجوع الى أعلى الصفحة اذهب الى الأسفل
Menat-allah

avatar

عدد الرسائل : 67
العمر : 27
الفرقة : الرابعة
تاريخ التسجيل : 27/12/2009

مُساهمةموضوع: رد: الفريق العلمي   السبت 16 يناير 2010, 10:05 pm

السلام عليكم

شكرا يا د.منار على التوضيح ده .. وان شاءالله نطلع حاجة كويسة السنة دى..

انا من ساعة ما قولتوا اننا هنهز للسيمنار القادم .. وفى كام نقطة كده جت فى دماغى

منهم اللى د.منار سبقت وذكرته .. وهى الفقرة 3 .. فعلا كان مردودها ضعيف عن باقى الفقرات..فكنت هاقترح الغائها يعنى

بالنسبة بقى لمحاور ( اهمية البحث العلمى ) .. انا عارفة ان كل النقاط اللى موجودة دى مهمة وكل حاجة

بس اهنا هدفنا اننا نوصل لاكبر عدد من الناس وننشر المعلومة دى .. بين طلبة معظمهم عاوز المعلومة المهمة فى الانجاز يعنى

اللى هو من غير كلام انشاء وكلام كبير ... ده اللى اقصده منعا للملل او شئ من هذا القبيل

ولان اصلا محتوى how to write a review .. لوحده يعتبر منهج كبير .. وفيه تفاصيل .. ولازمله متابعة وتطبيق

يبقى الاول اركز على اهمية البحث العلمى للطالب نفسه ... وبعدين ممكن اتكلم على نطاق اوسع .. الدولة وتقدمها والكلام الكبير ده

لكن الل يهمنى فى المقام الاول ... اهمية البحث بشكل صح لمستقبلى انا -اللى هو الطالب - يعنى وبالتبعية يبقى اهميته للبلد

فمثلا : نتكلم على ان البحث العلمى المكتوب صح والمتوافر فيه كل الشروط هياخد تقدير اعلى .. وان اللى هاتعلمه فى الدورة هيفيدنى وانا باعمل الدراسات العليا - اللى الناس بتحلم بيها - ومش هاقع فى غلطات كتابة ولا مراجع ولا هفوات تنقص من بحثى..

طبعا ممكن نذكر نقطة ان الابحاث هتتقيم السنة دى على اساس صحة كتابة المراجع - لا نتفق عليها مع د.عبد الخالق

وهكذا يعنى ...يبقى حببت الناس فى الموضوع وانه هيفيدهم دلوقتى وثمرته هتبان قريب مش لسه على مستوى الدولة - على فكرة ده مش رايى بس مجرد محاولة قراءة افكار بعض الناس -

يارب تكون فكرتى وصلت..

ولى عودة باذن الرحمن..
الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الفريق العلمي   الأحد 17 يناير 2010, 5:52 pm

السلام عليكم ورحمة الله وبركاته

مبدئيا كده هاقول الكلمتين اللى كنت شايلاهم ف قلبي من السنه اللي فاتت

انا هاتكلم عن رأيي الشخصي واعملوا انتوا الmodification المطلوب

الناس اللى ان شاء الله هاتحضر السيمينار طلبه زمايلنا معلش ف الكلمه (جايين عايزين يسمعوا المختصر المفيد) مش محاضره ورسميات ... يعنى افضل اننا نمشي بمبدأ ما قل ودل وما نقولش اي حاجه او نضيف اي فقره الا اذا الناس كانت هاتستفيد منها وبالتالي انا شايفه الاتي:

بالنسبه للفقره الافتتاحيه:

مع احترامي للجميع ولكل الدكاتره اللي حضروا او هايحضروا واللى حتى مش ناويين يحضروا ..انا عارفه ان المفروض كل حد من الدكاتره الكبار يقول كلمتين (بس معلش كلام كتير احنا مش عايزين) عايزين نوفر تركيز الناس ووقتها للكلام عن اهمية البحث العلمى وكيفية كتابته( ومعلش كمان وانا اسفه انى بقول كده، مفيش داعي نجيب دكاتره كلامهم مكانش مفيد اوي) يعني م الاخر كده عايزين نقلل ف عدد الدكاتره اللى هاتتكلم و ف الوقت المخصص لكل واحد.

ثانيا فقرة دكتور حاتم انا عن نفسي ما استفدتش كتير م الفقره دى

ثالثا بقي فقرة دكتور محمد عبد الواحد اللي كان بيتكلم فيها عن كيفية كتابة بحث
كان بيتكلم بسرعه جدا وهي دي اصلا كانت الفقره الاساسيه من وجهة نظري وماعتقدش ان الناس اللى كانو موجودين استفادو حاجه م الفقره دى


انا شايفه ان الهدف بتاعنا اننا نوضح كل اللى احنا عايزينه عن البحث وان الناس اللى هاتحضر السمينار يبقوا عارفين يعملوا بحث ازاي و
فاهمين كويس يعني ايه بحث علمي وازاي يتكتب ويبقى دور الوورك شوب ازاي نطبق اللى اتعلمناه

احنا مش عايزين حد يخرج يحس انه ضيع وقته لما جه يحضر ولا حتي حد يخرج من غير ما يستفيد

و ان شاء الله هابقى ادخل مره تانى

الرجوع الى أعلى الصفحة اذهب الى الأسفل
Khaled El-leithy

avatar

عدد الرسائل : 142
العمر : 27
الفرقة : الرابعة
تاريخ التسجيل : 18/12/2009

مُساهمةموضوع: رد: الفريق العلمي   الإثنين 18 يناير 2010, 12:35 am

هو في نقطة مكنتش واخدة حقها السنة اللي فاتت..

ازاي الناس تجيب المعلومات من عن النت و من مصدر موثوق..

يعني مممكن لو نوار ليهم اسماء مواقع علمية موثوقة
نحدد السورسات اللي ممكن يجيبوا من المعلومات و اواي يوصلوا ليها
كده يعني
..لان بجد بيبقي ناس كتير مش عارفة الحاجات دي.
.....
و كمان حاجة الله يخليكم...ياريت نشيل فعلا الكلام الكتير اللي ميهمش الطلبة
علشان و انا خارج السنة اللي فاتت من السمنار بجد كنت ندمان اني حضرت السيمنار
بجد مطلعتش بحاجة منه

بس غيرت رايي لما خدت الوورك شوب
الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 28
الفرقة : 6th class
تاريخ التسجيل : 20/11/2007

مُساهمةموضوع: رد: الفريق العلمي   الإثنين 18 يناير 2010, 12:47 am

Khaled El-leithy كتب:
هو في نقطة مكنتش واخدة حقها السنة اللي فاتت..

ازاي الناس تجيب المعلومات من عن النت و من مصدر موثوق..

يعني مممكن لو نوار ليهم اسماء مواقع علمية موثوقة
نحدد السورسات اللي ممكن يجيبوا من المعلومات و اواي يوصلوا ليها
كده يعني
..لان بجد بيبقي ناس كتير مش عارفة الحاجات دي.
.....
و كمان حاجة الله يخليكم...ياريت نشيل فعلا الكلام الكتير اللي ميهمش الطلبة
علشان و انا خارج السنة اللي فاتت من السمنار بجد كنت ندمان اني حضرت السيمنار
بجد مطلعتش بحاجة منه

بس غيرت رايي لما خدت الوورك شوب

النقطه دي إنت عندك حق فيها ياخالد ..

وبإذن الله ربنا ييسر وتأخد حقها السنه دي ، نقطة الSearch دي تقريبا حوالي 1/3 الدورة

وأنا كان نفسي تبقي في البداية قبل كده بشوية

بس حصل خير إن شاء الله وكل تأخيره وفيها خيره
الرجوع الى أعلى الصفحة اذهب الى الأسفل
MaNaL

avatar

عدد الرسائل : 646
العمر : 28
الفرقة : السادسة والمصير المجهول
تاريخ التسجيل : 23/11/2007

مُساهمةموضوع: رد: الفريق العلمي   الإثنين 18 يناير 2010, 9:21 am

اقتباس :
ثانيا فقرة دكتور حاتم انا عن نفسي ما استفدتش كتير م الفقره دى


صح ...

اقتباس :
ثالثا بقي فقرة دكتور محمد عبد الواحد اللي كان بيتكلم فيها عن كيفية كتابة بحث
كان بيتكلم بسرعه جدا وهي دي اصلا كانت الفقره الاساسيه من وجهة نظري وماعتقدش ان الناس اللى كانو موجودين استفادو حاجه م الفقره دى



عاوزين الفقرة دى ولا يمكن الاستغناء عنها

لكن بعد تعديل جبرى فيها ...

***************
***********

فقرة دكتور احمد رجب ...

هل هتكون برده حوار ؟؟؟

مجال للحوار وكدا ؟؟؟

( دا سؤالى )

ممكن نجيب فى الحوار ....................... دكتور ابراهيم

لسه واخد حاجة جديدة السنة دى

نشوف تجربتها ...

لذلك نقترح نشوف دكتور احمد رجب فى نقطة تانية ..



حاجة تانية :-

عاوزين نختار دكاترة على استعداد يشرحوا بطريقه تفهم الطلبة

مش دكتور هيجى يقرا من البرزينتشين

لانها حاجة مستفزة ..

وكمان تعليقات بتاعتهم مش تفك المود دا بتحبط الطالب ..

يارب تكونوا فاهمتوا قصدى ...




_________________
"شباب يبحث عن ما هو جديد وينهى ما عليه من واجبات ويبدع فيما يحب ويفيد ليجدد به أمته ويرضى به ربه ولا يستسلموا الى أنين الدنيا فهم أسود الدنيا وجبال لم يؤمر بهدمها بعد .. " "




شباب الجنة
الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الفريق العلمي   الإثنين 18 يناير 2010, 2:18 pm

اقتباس :
و كمان حاجة الله يخليكم...ياريت نشيل فعلا الكلام الكتير اللي ميهمش الطلبة
علشان و انا خارج السنة اللي فاتت من السمنار بجد كنت ندمان اني حضرت السيمنار
بجد مطلعتش بحاجة منه

بس غيرت رايي لما خدت الوورك شوب

هو ده اللي كنت اقصده من كلامي يادكتور مش بس حضرتك اللي حسيت بكده فيه ناس كمان حضرت وكانت زهقانه وقالت انتوا جايبينا تنيمونا ولا ايه

بس للاسف فيه ناس مش حضرت الوورك شوب عشان تغير رأيها

اقتباس :
هو في نقطة مكنتش واخدة حقها السنة اللي فاتت..

ازاي الناس تجيب المعلومات من عن النت و من مصدر موثوق..

يعني مممكن لو نوار ليهم اسماء مواقع علمية موثوقة
نحدد السورسات اللي ممكن يجيبوا من المعلومات و اواي يوصلوا ليها
كده يعني
..لان بجد بيبقي ناس كتير مش عارفة الحاجات دي.

حضرتك عندك حق هي النقطه دي مش كانت في السمينار وللاسف وقت الوورك شوب ماكنش يسمحلنا نطبقها
ع العموم انا كان رأيى ان دي تبقى تبع الوورك شوب بس دلوقتي شايفه اننا نتكلم عن الحكايه دي برضو ف السمينار... انا لازلت شايفه ان الناس تعرف كل حاجه ف السمينار والوورك شوب دى تبقى مجرد اعاده وتطبيق مش نرجع تاني نجيب الموضوع من الاول

الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الفريق العلمي   الإثنين 18 يناير 2010, 2:36 pm

اقتباس :
ممكن نجيب فى الحوار ....................... دكتور ابراهيم

معلش ف السؤال مين دكتور ابراهيم؟؟ اصل انا مش معاكو ف الكليه

اقتباس :
حاجة تانية :-

عاوزين نختار دكاترة على استعداد يشرحوا بطريقه تفهم الطلبة

مش دكتور هيجى يقرا من البرزينتشين

لانها حاجة مستفزة ..

هي مش مستفزه وبس هي ...

للاسف هاضطر اقول الكلمه اللي ماكنتش عايزه اقولها احنا مش عايزين نجيب الدكاتره اللي احنا اصلا مش بنستفيد م المحاضرات بتاعتهم

احنا مش هدفنا ان حد يلقي محاضره . انما الهدف ان المحتوي يوصل للناس

يعني عايزين حد cooperative بيوصل المعلومه باسلوب حلو يجذب تركيز الموجدين وما يخليش الناس تقع منه


اقتباس :
وكمان تعليقات بتاعتهم مش تفك المود دا بتحبط الطالب ..



اقتباس :
يارب تكونوا فاهمتوا قصدى ...

انا فاهمه قصدك وحاسه بيه من اعماق قلبي

وان شاء الله المحتوى والاسلوب المره دي يبقوا زي الفل
الرجوع الى أعلى الصفحة اذهب الى الأسفل
MaNaL

avatar

عدد الرسائل : 646
العمر : 28
الفرقة : السادسة والمصير المجهول
تاريخ التسجيل : 23/11/2007

مُساهمةموضوع: رد: الفريق العلمي   الإثنين 18 يناير 2010, 4:51 pm

بعد المباحثات والتحاورات

ان شاء الله

نقول شويه حاجات كدا بنظام لان الصبح كنت صاحية متاخر وقولت سريعا.

اقول بقى كل ال فى نفسى ...

عشان امتحان ايندروند اتحدد واركز معاه بقى ...

بسم الله ...

اقتباس :
1- الافتتاح بتاع د وفاء والوكلا ود اشرف رضا


طبعا كلام د-وفاء مهم عشان الكبيرة بتاعه الجودة

ود.اشرف والوكلاء

بس ياريت بقى نعرف كل واحد ان قدامه مثلا كام دقيقة ...

دا مش عيب ولا غلط دا المفروض نمشيه

احنا جودة بقى ...

يعنى الفقرة دى 30 دقيقة كلهم ..

حتى 30 دقيقة كتير

اقتباس :
2- د حاتم .. وانكلم عن مبادئ البحث العلمي ودا كان البريسينتيشن بتاعه


مع احترامى للدكتور

احنا مستفدناش حاجة ...

عاوزين حد نرشحه بدل دكتور حاتم ...

يكون متواجد اهلا وسهلا ...

لكن عاوزين حد يفهم بلاش يفهم يحسس الطالب

ان لو معملش ومتعلمش البحث العلمى هيموووووووووت

ارشح دكتور احمد رجب فى هذه الفقرة ..

ويعدل الداتا طبعا ... ليس نظريا لكن الشكل العام . تنسيق

حاجة كدا تليق بمستويات عقول بتوع البحث العلمى .


اقتباس :
3- د عبد الواحد .. كيف تكتب بحثا والكلام كان لايمت للي احنا عاوزينه بصلة

نحتاج الى اختيار سليم الى شخصيه القائيه اولا ...

ثم الى شخصيه تحمل معانى البحث العلمى

عاوزين حد متمكن من انه يفهم الطلبة

لان الفقرة دى اهم فقرة ...

لازم نركز عليها جدا ونركز على اختيار الدكتور .


ونشوف الدكتور وقته يسمح ان يسيبلنا وقته يحضر

السيمنار وينسى الدنيا كلها

مش يمشى بعد خمس دقايق .

اكيد فى دكاترة كتير كويسة بس احنا ندور ..

نعمل حصر لعقول المنيرة للبحث العلمى


اقتباس :
4- فقرة حوارية مفتوحة مع د احمد رجب .. ودي عجبت ناس كتير


خلاص بقى ...

دكتور احمد نتحاور معاها تانى

مش شايفه انها مفيدة اوى

لكن دكتور ابراهيم المدبوح دكتور بايو

وكان موجود فى مؤتمر الخلايا الجزعية

لو عاوزين قال ايه ؟؟؟ اقولكوا ؟؟؟ ومين كان بيشد معاه فى الحوار ؟؟؟

سبب الاختيار :-

واخد لسه جايزة وكدا نشوف بقى خبرته وصل ازاى ؟؟؟

تنوع



اى تعليق بقى ...

ادخل ارد

اى حاجة بقى ...

موجودة

ربنا معاااااااااكووووووووووووا

_________________
"شباب يبحث عن ما هو جديد وينهى ما عليه من واجبات ويبدع فيما يحب ويفيد ليجدد به أمته ويرضى به ربه ولا يستسلموا الى أنين الدنيا فهم أسود الدنيا وجبال لم يؤمر بهدمها بعد .. " "




شباب الجنة
الرجوع الى أعلى الصفحة اذهب الى الأسفل
Manar



عدد الرسائل : 659
تاريخ التسجيل : 21/11/2007

مُساهمةموضوع: رد: الفريق العلمي   الإثنين 18 يناير 2010, 10:20 pm

الرجوع الى أعلى الصفحة اذهب الى الأسفل
Omar Ali

avatar

عدد الرسائل : 249
تاريخ التسجيل : 22/08/2008

مُساهمةموضوع: رد: الفريق العلمي   الإثنين 18 يناير 2010, 10:44 pm

أنا برشح الدكتور ممدوح الريدي بدل من الدكتور حاتم في فقرة مبادئ البحث العلمي

أعتقد إنه عند خبرة في الموضوع احنا لما كنا عملنا معاه الحوار .. كان قالنا إنه شغال في دبي في البحث وما شاء الله أسلوبه بيفهم وبيعتمد علي كتير من مبادئ البحث العلمي وكمان هيكون متعاون معانا جداااااااااا وخصوصا إنه كان شغال في الجودة بره كمان
الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 28
الفرقة : 6th class
تاريخ التسجيل : 20/11/2007

مُساهمةموضوع: رد: الفريق العلمي   الإثنين 18 يناير 2010, 11:24 pm

أنا رأيي الدكتور عبد الرحمن السباعي

بصراحه شخصيه ممتازة وفيها كل المميزات والمواصفات اللي انتوا ذكرتوها فوق

أنا شايف أنه هيبقي كويس جدا و Cooperative وهيبقي فيه interaction بينه وبين الناس

والدكتورة رحاب سمكة ..
الرجوع الى أعلى الصفحة اذهب الى الأسفل
MaNaL

avatar

عدد الرسائل : 646
العمر : 28
الفرقة : السادسة والمصير المجهول
تاريخ التسجيل : 23/11/2007

مُساهمةموضوع: رد: الفريق العلمي   الثلاثاء 19 يناير 2010, 6:32 am

اقتباس :
الدكتور عبد الرحمن السباعي

مش عارفها ... مين دا

اقتباس :
والدكتورة رحاب سمكة ..

اوافق ..

اقتباس :
الدكتور ممدوح الريدي

الدكتور انا بحترمه جدا، لكن معلشى مش كل الناس بتحب تسمعله

_________________
"شباب يبحث عن ما هو جديد وينهى ما عليه من واجبات ويبدع فيما يحب ويفيد ليجدد به أمته ويرضى به ربه ولا يستسلموا الى أنين الدنيا فهم أسود الدنيا وجبال لم يؤمر بهدمها بعد .. " "




شباب الجنة
الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 28
الفرقة : 6th class
تاريخ التسجيل : 20/11/2007

مُساهمةموضوع: رد: الفريق العلمي   الثلاثاء 19 يناير 2010, 6:34 am

اقتباس :
مش عارفها ... مين دا

لما حضرتك تاخدي رمد هتعرفيه ان شاء الله

أحد حيتان الرمد في المنوفية
الرجوع الى أعلى الصفحة اذهب الى الأسفل
إيمان

avatar

عدد الرسائل : 15
تاريخ التسجيل : 21/12/2009

مُساهمةموضوع: رد: الفريق العلمي   الإثنين 25 يناير 2010, 2:55 pm

ايوه كده الشغل بدا
انا عن نفسي مش هاقدر احكم ع السيمينار السنة اللي فاتت
لاني بصراحة ملحقتش غير فقره د/احمد رجب
بس والله كانت حلوة تحس كده انه مقنع ومقتنع باللي بيقوله
اقصد يعني ان اهم حاجة ف الدكتور اللي هيتكلم
انه يكون مقتنع بأهمية البحث العلمي بجد ويقدر يقنعنا بيها
لاحظوا اننا عايزين نغير مفهوم راسخ عند معظم الطلبة_اللي انا منهم_
ان البحث ده مجرد حاجة تقيلة.. مفروضة علينا... عايزين يضيعوا بيها وقتنا
... ولسه هنعمل كوبي وبيست...الخ
الهدف بجد من السيمينار ده اننا نحسسهم باهمية البحث العلمي
زي ما احنا حسينا بيها ف الاجتماعات الاخيرة
طريقة كلامكوا وحماسكوا
حسسونا فعلا ان الموضوع كبير
ده حاجة ليها علاقة بديننا وسنة رسولنا
الاسناد والمرجعية
واننا لازم نرجع كل حاجة لاصلها وندي لصاحبها حقه
والا تعتبر سرقة
الحكاية دي اثرت فيا اوي


حاجة كمان
بالنسبة لنقطه طرق البحث والمواقع الموثوقة
دي نقط مهمة جدا بس مكانها الوورك شوب
وبيتهيألي لازم ننوه عنها ف السيمنار
عشان الناس تتحفز وتيجي الورشة ومتكسلش
عشان دي حاجة اعتقد ان كل الناس بتدور عليها سواء عارفين اهمية البحث او لأ
الرجوع الى أعلى الصفحة اذهب الى الأسفل
رحاب



عدد الرسائل : 56
تاريخ التسجيل : 01/02/2009

مُساهمةموضوع: رد: الفريق العلمي   الإثنين 25 يناير 2010, 5:08 pm

اقتباس :
الدكتور عبد الرحمن السباعي

اوافق
اسلوبه هايل ف الشرح على فكره ... وما عتقدش ان الناس ممكن تنام منه

بس هو نظامه ايه بالنسبه لحكاية البحث العمي


ده طبعا ف فقرة كيف تكتب بحثا

ودكتور احمد رجب فقرة دكتور حاتم

ودكتور ابراهيم ف الفقره الحواريه واهو نحسس الناس ان البحث العلمي شغاااااااااااااااال وكل يوم في حد جديد

الرجوع الى أعلى الصفحة اذهب الى الأسفل
Aya Abd-elmegeed

avatar

عدد الرسائل : 3
الفرقة : الثالثة
تاريخ التسجيل : 19/01/2010

مُساهمةموضوع: رد: الفريق العلمي   الإثنين 25 يناير 2010, 6:19 pm

السلام عليكم...
انا متفقة معاكم جدا في الرأى بس عندى شوية اقتراحات كده
**نخلى فقرة د/أحمد رجب بدل ماهية مناقشات مع الطلبة انه هوة اللى يتكلم عن أهمية البحث العلمى لانه هيكون مقنع أكثر كمان طريقته مش مملة
**كمان ياريت نخلى فيه فقرة بنتكلم فيها عن البحث العلمى فى الدول وياريت نتكلم عن امثلة لدول نامية قدرت باهتمامها بالبحث العلمى انها تبقى فى الصدارة في أحد المجالات وكمان تتفوق على الدول المتقدمة زى الهند فى مجال برامج الكمبيوتر علشان نصحى الأمل ونفك عقدة الخواجة اللى بقت ثابتة فى تفكيرنا وهى ان اى حاجة صح ومفيدة مابتنفعش غير فى أمريكا او اوروبا كمان ياريت الدكتور اللى هيتكلم فى السمينار يكون محايد يعنى مايخليش الدنيا بمبى ولا يخليها سودة كحل اه يتكلم بواقعية بس يخلى فيه امل كمان انا بارشح د/ممدوح الريدى,د/رحاب سمكة و كمان د/محمد شعبان
الرجوع الى أعلى الصفحة اذهب الى الأسفل
أحمد أبوعياد

avatar

عدد الرسائل : 689
العمر : 28
الفرقة : 6th class
تاريخ التسجيل : 20/11/2007

مُساهمةموضوع: رد: الفريق العلمي   الإثنين 25 يناير 2010, 8:00 pm

اقتباس :
بس هو نظامه ايه بالنسبه لحكاية البحث العمي

انا طلعت قسم الرمد اعمل تحريات في الموضوع ده

ولما أخلص وأوصل لنتايج هبلغكم بيها علي طول إن شاء الله ..
الرجوع الى أعلى الصفحة اذهب الى الأسفل
 
الفريق العلمي
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
MNFMED QAAP Forum :: اللجنة الطلابية :: دورة اساسيات البحث العلمي :: دورة اساسيات البحث العلمي 2010-
انتقل الى: